به پاس خدمات سرپرست پیشین وزارت تحصیلات عالی محفلی خدا حافظی برگزار گردید

به پاس خدمات نیک و ارزنده محترم الحاج شیخ مولوی عبدالباقی، سرپرست پیشین وزارت تحصیلات عالی، محفل خدا حافظی در تالار این وزارت برگزار گردید. درین محفل رئیس و معاونین پوهنتون کابل، رئیسان و کارمندان وزارت تحصیلات عالی، مسوولین پوهنتون‌های دولتی و خصوصی حضور داشتند.

سخنرانان درین محفل کارکردها و دستاوردهای سرپرست پیشین وزارت تحصیلات عالی را تحسین نمودند و از رفتار نیک وی با مسوولین و اخلاص صادقانه‌اش در جهت خدمت به نظام تحصیلات عالی کشور به نیکی یاد کردند.

هم‌چنان درین محفل محترم شیخ مولوی عبدالباقی، سرپرست پیشین وزارت تحصیلات عالی تغییرات و تبدیلات را در نظام یک اصل بیان کرد و تاکید نمود که با رهبری جدید وزارت هم‌کار خواهد بود و تلاش می‌نماید که در راستای آموزش و تحصیل در خدمت نسل جوان کشور ‌باشد. وی افزود افغانستان زمانی با ثبات و قدرت مند میشود که نسل متخصص و با تحصیل داشته باشد و این وظیفه ماست که دراین حوزه بیش‌تر از هروقت تلاش نماییم.

در ختم محفل محترم شیخ مولوی عبدالباقی ازسوی رئیسان و مسوولین پوهنتون‌های دولتی و خصوصی با اهدای لوح مورد تقدیر و ستایش قرار گرفت.