سمینار یک روزه اصلاحی برای کارمندان و منسوبین اداری در پوهنتون کابل برگزار گردید

این سمینار اصلاحی به روز چهارشنبه، مورخ 11 اسد سال جاری، ازسوی وزارت وزارت تحصیلات عالی برگزار گردیده و در آن کارمندان وزارت تحصیلات، کارمندان پوهنتون کابل و کارمندان جامعه عبدالله بن مسعود(رض) اشتراک نمودند.

محترم شیخ مولوی نداء محمد ندیم، سرپرست وزارت تحصیلات عالی، که سخنران اصلی این سمینار بود در مورد اقامه و برپایی عبادات، حمایت از پالیسی نظام، حفظ و نگهداری از بیت المال، رعایت سلسله مراتب اداری، پرهیز از اختلافات، رفتار خوب با مردم و موارد مهم دیگر برای اشتراک کنندگان صحبت نموده و از آنان خواست که در عملی کردن نکات فوق با تمام توان تلاش نمایند.

وی همچنان خواهان اخوت و برادری، اعتماد و احترام میان کارمندان گردیده و بر اجراآت درست و شفاف کارهای اداری تاکید نمود.