په کابل پوهنتون کې د کابل ښار او ولسوالیو د ښوونکو او اداري کارکوونکو د بستونو از موینه واخیستل شوه
د کابل ښار او ولسوالیو د معارف ریاست د ښوونکو او اداري کارکوونکو بستونو ازموینه د ښوونې او روزنې وزیر شیخ نورالله منیر، د ازموینو ملي ادارې رییس پوهاند عبدالقدیر خموش، د کابل پوهنتون علمي مرستیال پوهاند محمد شفیع شریفي او د اداري اصلاحاتو د ادارې رییس مولوي عبدالحنان عارف په ګ‌‌‌‌‌‌ډون په کابل پوهنتون کې واخیستل شوه.
پدې غون‌‌‌‌‌‌‌ډه کې د ښوونې وزیر د ازموینې په څرنګوالي خبرې وکړې او د ازموینو ملي او اداري اصلاحاتو ادارې څخه یې وغوښتل تر څو د ازموینې بهیر په رڼه توګه پرمخ یوسي او پدې بهیر کې عدالت په پام کې ونیسي.
ورورسته د ازموینو ملي ادارې رییس پوهاند عبدالقدیر خموش وویل، چې د دې ازموینو بنسټ روڼتیا او عدالت تشکیلوي او سیسټم په داسې ډول جوړ شوی دی، چې په هغه کې هېڅ ډول جعل، تقلب او تزویر نفوذ نشي کولای او له دې اړخه د ګ‌‌‌‌‌‌ډون کوونکي په پوره ډول ډا‌‌‌‌‌‌ډه اوسي او یواځې د بریالیتوب معیار وړتیا، پوهه او توانايي ده.
همدارنګه د اداري اصلاحاتو د تعییناتو د بورد رییس محمد یوسف غزنوي پدې ازموینه کې په روڼتیا د تاکید ترڅنګ یې وویل، چې د دندې موندل یوه مهمه مسئله ده او مونږ هیله لرو، چې په دولتي ادارو کې د متقاضیانو لپاره زیات کار وسي.
پدې ازموینه کې 1803 بستونه سیالي ته وړاندې شوي، چې په هغه کې 14631 کسانو په خپلو منځونو کې ورته سیالي کوي او له دې ډلې څخه 5748 تنه ښځينه او پاتې نور یې ذکور دي.
