د کابل مرکز ي پوهنتونونو استادانو د ملګرو ملتونو د امنیت شورا له لوري د هیواد د لوړو زده کړو پر وزیر د محدودیتونو لګول وغندل

website admin
Wed, Jun 29 2022 11:37 AM
Jalasa e eteraz ustadan

د کابل مرکزي پوهنتونونو استادانو په یوې اعتراضیه غونډه کې، چې په کابل پوهنتون کې جوړه شوې وه، د ملګرو ملتونو د امنیت شورا له لوري د هیواد د لوړو زده کړو په رهبرۍ د سفر محدودیت او بندیزونه وغندل او ژر تر ژره د هغو د ختمولو غوښتونکي شول. دا اعتراضیه ناسته د روان کال د سرطان په ۷ نېټه د سې شنبې په ورځ جوړه شوې وه او د کابل مرکزي پوهنتونونو استادانو او رهبري پلاوو په کې ګډون کړی وو.

د غونډې په پيل کې د کابل پوهنتون علمي مرستیال ښاغلي پوهاند محمد شفیع شریفي په خپلو خبرو کې د ملګرو ملتونو د امنیت شورا اقدام غیر منصفانه وباله او ویې ویل، چې د لوړو زده کړو وزارت رهبري تل د هیواد د تحصیلي سیسټم د ښه والي په هڅه کې ده او په خپله د وزیر صیب په کوښښ په پوهنتونونو کې درسونه پيل شول او ټولې چارې په عادي ‌‌‌‌‌‌ډول دوام لري، د ملګرو ملتونو دا کړنه د هیواد د تحصیلي نظام او د افغانستان د خلکو په حق کې جفا ده، مونږ هیله لرو، چې ملګري ملتونه پر خپلې غیر عادلانه پریکړې باندې له سره فکر وکړي.

پدې ناسته کې د کابل پوهنتون استاد پوهنمل عبدالله اواب د لوړو زده کړو وزارت په رهبرۍ د ملګرو ملتونو د امنیت شورا له لوري د بندیزونو لګول د هیواد د لوړو زده کړو سیسټم سره ښکاره دښمني وبلله او تاکید یې وکړ، چې دا کار د ټولو نړۍ والو قوانینو او بشري حقونو خلاف دی او د اساسي حقونو څخه د افغانستان د خلکو د محرومیت سبب کیږي.

د کابل طبي پوهنتون د علمي چارو مرستیال پوهاند نجیب الله امرخېل هم یاد محدودیت غیر اصولي او غیر اخلاقی وباله او تاکید یې وکړ، چې د ملګرو ملتونو دا کار په اصل کې د افغانستان د خلکو په وړاندې د لوړو زده کړو دروازو د تړلو په مانا دی او مونږ له نړیوالې ټولنې غواړو، چې پر خپل دې غیر مسوولانه تصمیم باندې بیا کتنه وکړي.

همدارنګه پدې ناسته کې د ښوونې او روزنې پوهنتون استاد پوهنمل شاه رخ روفي او د پولي تخنیک پوهنتون استاد پوهندوی سیف الرحمن احساس هر یو په خپل وار سره په اړوندې موضوع خبرې وکړې او تاکید یې وکړ، چې د لوړو زده کړو په رهبرې د بندیزونو لګول او انزوا ته د افغانستان کشول سم کار نه دی او نړۍ باید انزوا ته د افغانستان کشولو کوښښو نه متوقف کړي.

د دې اعتراضي ناستې په پای کې د کابل مرکزي پوهنتونونو استادانو او رهبري پلاويو د پرېکړه لیک په خپرولو سره د ملګرو ملتونو له لوري د لوړو زده کړو وزارت په رهبرۍ د ټولو بندیزونو او محدودیتونو لرې کولو غوښتنه وکړه او تاکید یې وکړ، چې دا کار د ملګرو ملتونو د ټولو منل شوو قوانینو او پرنسیپونو خلاف دی او باید لغوه شي.

د پرېکړه لیک په یوې برخه کې راغلي دي، چې د لوړو زده کړو وزارت مقام باندې د هر ‌‌‌‌‌‌ډول محدودیتونو او بندیزونو لګول په اصل کې د هیواد تحصیلي نظام او د افغانستان له خلکو سره دښمني ده او پایله به یې نه جبرانېدونکي او تاواني وي او دافغانستان مظلوم ملت سره لویه جفا شمېرل کیږي او د ملګرو ملتونو امنیت شورا د خپله دا ظالمانه او له عدالت او واقعیت څخه لرې پرېکړه بېرته واخلي.

تازه ترین اخبار

Wed, Oct 05 2022 2:56 PM
Background image

رئیس پوهنتون از روند ارزیابی کیفیت ادویه در مینی لب پوهنځی فارمسی دیدن نمود

محترم دکتور اسامه عزیز، رئیس پوهنتون کابل و معاونین ریاست به روز چهارشنبه مورخ 13 میزان سال جاری، از جریان دور سوم ارزیابی کیفیت ادویه و آموزش محصلین در لابراتوار مینی لب پوهنځی فارمسی. . .

Sun, Oct 02 2022 9:45 AM
Background image

به صد تن از محصلین پوهنتون کابل سمینار آگاهی دهی در باره قوانین مالیاتی برگزار گردید

این سمینار ازسوی ریاست عمومی عواید وزارت مالیه و با هماهنگی آمریت انسجام خدمات محصلان پوهنتون کابل برای صد تن از محصلین در باره قوانین مالیاتی، طرزالعمل‌ها، رهنمودها، لوایح، سیستم‌ها و. . .

Sat, Oct 01 2022 1:43 PM
Background image

آغاز دور سوم ارزیابی کیفیت ادویه در مینی لب پوهنځی فارمسی

براساس تفاهمنامه امضاء شده میان پوهنتون کابل و دفتر پارتیسیپ، دور سوم ارزیابی کیفیت ادویه در لابراتوارهای مینی لب پوهنځی فارمسی به روز شنبه مورخ 9 میزان سال جاری با حضور رئیس پوهنځی،. . .

برگشت به اخبار

گالری رسانه

سخنرانی محترم پوهنمل دوکتور محمود آریوبی، رئیس پوهنځی هنرهای زیبا در نمایشگاه هنری سمستر بهاری پوهنځی هنرهای زیبای پوهنتون کابل

سخنرانی محترم لطف‎ الله خیرخواه، معین علمی وزارت تحصیلات عالی در نمایشگاه هنری سمستر بهاری پوهنځی هنرهای زیبای پوهنتون کابل

کنفرانس علمی و تحقیقی تحت عنوان مطالعه و مدیریت آب های افغانستان به پیشواز افتتاح بند کمال خان

آغاز کمپاین نهال‌شانی در پوهنتون کابل

ویدو همدلی دانشجویان شبکه پوهنتون های راه ابریشم با دوستان خود در پوهنتون کابل