"د علمي څېړنو لپاره د موادو راټولولو او تحلیلولو" ورکشاپ دائر شو
د کابل پوهنتون د زراعت پوهنځي محصلینو ته د علمي څېړنو لپاره د موادو راټولولو او تحلیلولو اړوند ورکشاپ دائر شو. په دې ورکشاپ کې د Kobo Toolbox په اړه هر اړخیز معلومات وړاندې شول. Kobo Toolbox یوه قوي او وړیا وسیله ده چې زیاتره په علمي څېړنو، بشردوستانه پروژو او غیر دولتي سازمانونو کې د معلوماتو راټولو او تحلیل لپاره کارول کېږي.
د ورکشاپ اصلي موخه دا وه چې محصلین په نوموړې وسیله د پوښتنلیک جوړولو، معلوماتو راټولو او تحلیلولو مهارتونه زده کړي. له دې لارې به د هغوی پوهه په علمي څېړنو او پروژو مدیریت کې پراخه شي او دوی به وکولی شي دغه مهارتونه په راتلونکي کې په خپل مسلکي ژوند کې وکاروي.
