په کابل پوهنتون کې د "تعلیم الاسلام" ترسره شوې سیالۍ پايله د لوړو زده کړو وزارت سرپرست وزیر شیخ الحدیث مولوي نداء محمد ندیم او د مرکزي پوهنتونونو د رهبرۍ په حضور کې اعلان شوه
د هېواد مرکزي پوهنتونونو په کچه د تعلیم الاسلام رقابتي سیالۍ د نتایجو اعلان غونډې جوړو شویو مراسمو کې د لوړو زده کړو وزارت رهبري، د چارو ادارې لوی رئیس شيخ انورالحق انور، د مرکزي پوهنتونونو رهبرۍ، استادانو او محصلینو برخه اخیستې وه.
د لوړو زړه کړو وزارت سرپرست وزیر شیخ الحدیث مولوي نداء محمد ندیم صاحب په خپلو خبرو کې د يادې سیالۍ په لاره اچول مهم یاد کړل او ټینګار یې وکړ، چې ځوان نسل دې د پيغمر ﷺ له سیرت، ژوند او اخلاقو سره لا ډېره بلدتیا پیدا کړي، دوی ډاډ څرګند چې د محصلینو عصري زده کړو ترڅنګ به د دیني پوهاوي لوړونې په برخه کې د ظرفیت لوړونې ورته نورې برنامې هم پر لاره اچوي.
دغه راز د چارو ادارې لوی رئیس شيخ انورالحق انور او د لوړو زده کړو وزارت د محصلینو د خدمتونو او همغږۍ رئیس قاضي کلیم الله محمدي د خپلو ویناوو په ترڅ کې محصلین خپلو اساسي مسوولیتونو ته وهڅول.
د محصلینو په استازیتوب څو تنو په خپلو خبرو کې د لوړو زده کړو وزارت له رهبري څخه په دې برخه کې مننه وکړه.
په پای کې د یادې سیالۍ پنځوس تنه ممتاز محصلین د جوایزو په ورکړې سره وستایل شول، چې د لومړي مقام ګټوونکی به د حرمینو شریفینو ته د عمري ادا کولو په موخه واستول شي.
