جلسه شورای رهبری پوهنتون کابل برگزار گردید

جلسه شورای رهبری پوهنتون کابل به روز شنبه مؤرخ 22 دلو سال جاری، با حضور رئیس پوهنتون و معاونین ریاست برگزار گردید و روی امور ضروری این نهاد بحث و تبادل نظر صورت گرفت.

در این جلسه محترم دکتور اسامه عزیز، رییس پوهنتون کابل در مورد سمینار دینی- علمی که قرار است روز یک‌شنبه مورخ 23 دلو سال جاری به مدت 3 روز در پوهنتون کابل برگزار گردد صحبت نموده و بر آمادگی‌ها و هم‎چنان حضور و اشتراک استادان در آن تاکید ورزید.

قرار است فردا سمینار علمی- دینی از سوی وزارت تحصیلات عالی در پوهنتون کابل دایرگردد و در آن علاوه بر استادان و مسوولین پوهنتون‌ کابل، استادان و مسوولین پوهنتون‌های علوم طبی، پولی تخنیک و تعلیم و تربیه نیز اشتراک ورزند.