د کابل پوهنتون رییس د یو پلاوي په مشري، چې ترکیې ته یې سفر کړی وو د هغه هیواد د یو شمېر تحصیلي بنسټونو له مسوولینو سره وکتل
د کابل پوهنتون رییس د یو پلاوي په چوکاټ کې، چې د ترکیې هیواد ته یې سفر کړی دی د هغه هیواد د یو شمېر تحصیلي بنسټونو له مسوولینو سره د هغې له ډلې د لوړو زده کړو وزیر ایرول اوزوار، د دیني چارو وزیر دکتور علي ارباش او د ترکیې د دولتي بورسیو رییس عبد الله ایرلین سره وکتل او همدارنګه د یلدریم بایزید او غازي پوهنتونونو څخه یې لیدنه وکړه او د دې پوهنتونونو له مسوولینو سره یې هم وکتل.
پدې لیدنو کې یې په مختلفو مسایلو د هغې له ډلې د پوهنتون استادانو د تحصیلي وړتیاوو د لوړولو لپاره تحصیلي سکالرشیپونو ورکړه، په کابل پوهنتون او په ځینو دولتي پوهنتونونو کې د یلدریم بایزید پوهنتون له لوري د انلاین درسونو پيل، علمي او اکا‌‌‌‌‌‌ډمیکې همکاري او د دې همکاریو د پياوړي کېدو او پراختیا باندې دواړو لورو خبرې وکړې.
ښاغلي دکتور عزیز او مل پلاوي پدې سفر کې په انقره ښار کې له افغان محصلینو او همدارنګه د کابل پوهنتون له استادانو سره، چې د تحصیلي بورسیو له لارې هلته په زده کړه بوخت دي هم لیدنه وکړه او د غوښتنو او ستونزو د اورېد ترڅنګ یې د حل لپاره هغوی ته ډا‌‌‌‌‌‌ډ ورکړ.
