د کابل پوهنتون خدماتي کارګرانو ته مرسته شوي خوراکي توکي ووېشل شول
د روان کال د کب په ۲۲ نېټه د یکشنبې په ورځ د سهار ستوری/ Morning Star موسسې په مالي همکاري د کابل پوهنتون ۱۰۰ خدماتي کارګرانو ته خوراکي توکي وویشل شول.
د سهار ستوری موسسې رییس ښاغلي نظیف الله احمدزي او د کابل پوهنتون د بشري منابعو امر سید نبي مظهري هر یو په خپل وار سره د مرستو د وېش پدې برنامه کې خبرې وکړې؛ د خییریه مرسته کوونکو پلي کوونکو څخه یې د مننې ترڅنګ یې هغوی ته د خیر غوښتنه وکړه او د دې مرستو په دوام یې تاکید وکړ.
د پوهنتون د بشري منابعو امر زیاته کړه، چې انسانیت، د دوستي ډول او د بشر دوستي احساس په هرو شرایطو کې شتون لري او له مرسته کوونکو څخه د مننې ترڅنګ یې د سهار ستوري موسسې له مسوولینو، چې په کابل پوهنتون کې یې د دې مرستو درېمه دوره مدیریت، همکاري او ووېشلې ځانګړې مننه وکړه.
