د کابل پوهنتون د کیفیت تضمین نوی آمر معرفي شو
د روان کال ۱۴۰۰ د کب په ۸ نېټه د یکشنبې په ورځ د کابل پوهنتون د کیفیت تضمین نوی امر د کابل پوهنتون د علمي چارو مرستیال او یو شمېر استادانو په شتون کې د یاد امریت کارکوونکو ته وروپېژندل شو.
د کابل پوهنتون د ژورنالېزم پوهنځي استاد پوهنیار زبیر خلیل الرحمان ازرمي د پوهنتون د علمي مرستیال له لوري د کابل پوهنتون د کیفیت تضمین د نوي امر په توګه معرفي شو.
د کابل پوهنتون د علمي چارو مرستیال پوهاند محمد شفیع شریفي د پوهنیار آزرمي د معرفي په غونډه کې د پخواني امر د کارونو څخه د ستاینې ترڅنګ یې پوهنیار ازرمي یې یو علمي، وړ او د پوهنتوني معیارونو سره برابر شخص وباله او د نوي مسوولیت د مبارکي ترڅنګ یې ورته د بریالیتوب هیله وکړه. همدارنګه پوهنیار ازرمي د کابل پوهنتون رهبري د باور څخه د مننې ترڅنګ یې هیله وښوده، چې وکولای شي د پوهنتون رهبري او استادانو په همکاري د کیفیت تضمین نوی مسوولیت، چې په اوس وخت کې د هیواد او نړۍ په کچه د اکاډمیکو بنسټونو د اعتبار په برخه کې مهم بحثونه دي په ښه توګه یې پر مخ یوسي.
