د کابل پوهنتون د علمي شورا نوبتي غونډه وشوه
د کابل پوهنتون د علمی شورا نوبتي غونډه پر سه شنبه د روان کال د کب پر درېمه وشوه، په نوموړې غونډه کې چې د کابل پوهنتون د رییس ښاغلي ډاکټر اسامه عزیز په مشرۍ او د پوهنتون د مرستیالانو په ګډون جوړه شوې وه، د درسونو پېلېدا ته پر چمتووالي، د استادانو دګومارنې لپاره د بستونو پر اعلام، د یو شمېر استادانو پر ترفېع، انفکاک او د علمي رتبو پر تثبیت او د اجنډا اړوند نور مسالو خبرې وشوې.
د کابل پوهنتون رییس ښاغلي ډاکټر اسامه عزیز د دیني او کلتوري ارزښتونو په پامنیوي درسونو ته پر چمتوالي او د درسونو د کیفیت په برخه کې د استادانو او د پوهنځيو د مسوولینو پر پاملرنې ټينګار وکړ.
ښاغلي عزیز زیاته کړه د پوهنتون رهبري هڅه کوي چې د پخوا په څېر د ځوانانو او هېوادوالو په خدمت کې وي او د ښه کیفیت د وړاندې کونې له لارې په دې برخه کې هڅې وکړي. نوموړي همدارنګه د لوړو زده کړو د وزارت مننه هم وکړه چې د نويو کادري بستونو د اعلام له لارې یې د خدمت ښه فرصت برابر کړ.
