د کابل پوهتنون د علمي شورا نوبتي غونډه وشوه
د کابل پوهنتون د علمي شورا نوبتي غونډه د روان کال د مرغومي(جدي) پر یوویشتمه د سې شنبې پر ورځ د کابل پوهنتون د علمي شورا په تالار کې وشوه. په نوموړې غونډه کې چې د کابل پوهنتون د رییس ښاغلي ډاکټر اسامه عزیز په مشرۍ جوړه شوې وه د استادانو پر علمي ترفیعاتو، د علمي رتبو پر تثبیت، د یو شمېر استادانو پر تقرر اوانفکاک، د ځینو ډيپارټمنټو د چارو پر انسجام او په اجنډا کې شاملو نورو بېلابېلو موضوع ګانو باندې بحث او په اړه یې پرېکړې وشوې.
د کابل پوهنتون رییس ښاغلي ډاکټر اسامه عزیز د جلسې د پرانیستنې په وینا کې د استادانو لخوا د علمي مقالو د او تقریظلیکنې د کاردود(طرزالعمل) پر پامنیوي، د پوهنځيو لخوا د کیفیت لوړونې پر چارو، پر علمي څېړنو او علمي کانفرنسونو پر کیفیت ټينګار وکړ. نوموړي همدارنګه له هغو استادانو؛ چې د وروستیو بدلونونو له امله له هېواده وتلي دي، په ټینګه وغوښتل چې بې له هر ډول ډار او ستونزې خپل هېواد ته راستانه او د هېوادوالو په تېره د ځوانانو خدمت ته لاس په کار شي.
د علمي شورا په دې نوبتي غونډه کې د استادانو د علمي ترفېع پر دولسو، د علمي رتبې د تثبیت پر دوو او د مقررۍ و انفکاک پر څلورو، څلورو دوسیو بحث وشو او د هرې یوې په اړه لازمې پرېکړې وشوې.
