د کابل پوهنتون د لومړیو ټولګیو او نورو محصلینو لپاره د لوړو زده کړو ښوونیز سیسټم مدیریت (HELMS) څخه د ګټې اخیستنې زده کړه ییزه برنامه جوړه شوه

د لومړیو ټولګیو او نورو محصلینو لپاره د لوړو زده کړو د ښوونیز مدیریت سیسټم (HELMS) څخه د ګټې اخیستنې څرنګوالې برنامې سره یې، چې اشنايي نه درلوده د روان کال د لیدنۍ میاشتې په لومړۍ نېټه د کابل پوهنتون د معلوماتي ټکنالوژي (IT) مسوولینو له لوري پیل شوه.

ښاغلي عبدالحي علمیار، چې د دې برنامې مدرس او د دې برنامې موخه د هغو محصلینو د ستونزو حل دی، چې د دې سیسټم سره اشنايي نلري، د لیندۍ میاشتې له اتلسمې نېټې  وروسته د انلاین درسونو لپاره تیاري او (HELMS سیسټم) له لارې د درسونو وړاندې کول او د لومړیو ټولګیو او هغه محصلین، چې له دې سیسټم سره پوره اشنايي نلري بیان کړل، ویې ویل: په پام کې لري، چې د لومړیو ټولګیو او هغه ټول محصلین، چې له دې سیسټم سره د اشنايي ته اړتیا لري د لیندۍ تر ۸ نېټې پورې زده کړه ورکړي څو د کابل پوهنتون ګران محصلین د دې سیسټم د ګټې اخیستنې بهیر او د سمسټر په جریان کې په انلاین ډول د درسونو زده کړه له ستونزو سره مخ نشي.

دا برنامه د افغانستان اسلامي جمهوریت کابینې د ۱۳۹۹ لړم ۲۶ نېټې ناستې د ۲۵مې شمېرې مصوبې وروسته، چې د کرونا ویروس دویمې دورې ته په کتو د هیواد ټول دولتي او خصوصي د لوړو زده کړو موسسې او پوهنتونونه د لسانس، ماسټري او دکتورا دورې د روان کال د لیندۍ له ۸ د کب میاشتې تر ۱۵ نېټې پورې رخصت اعلان کړل او دې سره په ورته وخت کې د لوړو زده کړو وزارت ټول د لوړو زده کړو دولتي او خصوصي بنسټونه په غیر حضوري یعنې په انلاین ډول او چټکو درسونو په وړاندې کولو مکلف دي، وړاندې شوه.