د هارټي کلچر ډيپارتمېنت

الف) پیژندنه:

د بڼوالۍ څانګه په ۱۳۵۴ هـ ش کال کې د دې پوهنځي په چوکاټ کې د ځنګلدارۍ او باغدارۍ څانګې تر نامه لاندې تاسیس شوه او د لومړۍ دورې فارغان یې په ۱۳۵۸ هـ ش کال کې ټولنې ته وړاندې شول. د دې څانګې د جوړېدو موخه په عمده توګه په دوو برخو وو، چې يوه يې ځنګلداري او بله يې بڼوالي وه. په ۱۳۷۳ هـ ش کال کې د اړتیا پر بنسټ اړونده څانګه د ځنګلدارۍ له ځانګې بېله او د یو خپلواکې څانګې په حیث یې فعالیت پیل کړ. د دې څانګې د جوړېدو اصلي موخه د سبزیو او میوو د تولید او تکثیر په برخو کې د ځوانانو روزل تشکېلوي. د زینتي بوټو او ګلانو د  تدريس تر څنګ د بڼونو جوړول هم تدریسیږي.  د عملي زده کړو په موخه محصلین په ټاکلي وخت کې د میوو د بڼونو، د سبزیو او میوه لرونکو ونو د څیړنیزو فارمونو څخه لیدنه کوي ترڅو له یوې خوا د نویو پروژو او له بلې خوا د شته ستونزو په اړه پوهه ترلاسه کړي.

ب) د روزنې موخې:

۱- لیدلوری:

د بڼوالۍ څانګه هوډ لري، چې د ښوونې، څیړنو او ترویج د معیاري میتودونو په کارولو سره ټولنې ته د بڼوالۍ سکتور د ودې او پراختیا په پار علمي او مسلکي کدرونه وروزي او په اقتصادي او ټولنیزې پراختیا په پروسه کې هر اړخیزه همکاري وکړي.

د بڼوالۍ ریاست هوډ لري چې د ښوونې، څیړنې او ترویج د معیاري میتودونو په کارولو سره ټولنې ته د باغدارۍ سکتور د ودې او پراختیا لپاره علمي او مسلکي کارمندان چمتو کړي او په هر اړخیزه پروسه کې د هغې د ګټو سره همکاري وکړي. اقتصادي او ټولنیز پرمختګ، د تاسیس شویو اصولو په پام کې نیولو سره.

۲- ماموریت:

د بڼوالۍ څانګه ماموریت لري چې د ساینسي او مسلکي کارمندانو د روزنې له لارې د باغدارۍ علم، فن او ټکنالوژۍ ته ود ورکړي، هغه خلکو ترویج او معرفي کړي.  له دې لارې د تدریسي، څیړنیزو او ترویجي خدماتو په عرضه کولو سره د بڼوالۍ د محصولاتو کمیت او کېفیت لوړیږي، چې دا د سوداګرۍ د ودې، ملي عواید د زیاتوالي، خوړه ایز خوندیتوب د تضمین سبب کېږي، ترڅو د ټولنې په اقتصادي او ټولنیزه هوساینه کې خپل د پام وړ رول ادا کړي.

۳- بنسټیزې  موخې:

• محصلینو ته د بڼوالۍ د څانګې د مختلفو مضامینو تدریس؛

• د بڼوالۍ په برخه کې د زده کوونکو د پوهې، مهارتونو او ظرفیتونو لوړول؛

• د بڼوالۍ په برخه کې د عصري ټیکنالوژۍ او د هغې کارولو سره د زده کونکو آشنا کول؛

• د بڼوالۍ د صنعت په برخه کې د ځوانو کدرونو روزنه.

• د بڼوالۍ په سکتور کې د بیلابیلو پروژو پلي کولو سره د زده کونکو آشنا کول؛

• د بڼوالۍ د صنعت پراختا او د ښکېلو اړخونو د اړتیاوو پوره کول؛ او

• د بڼوالۍ په برخه کې د څیړنو او علمي او فني مطالعاتو ترسره کول.

ج) هوکړه لیکونه:

په اوس وخت کې د بڼوالۍ څانګه له نورو پوهنتونونو سره هوکړه لیکونه نه لري.

د) لابراتوار او تجهیزات:

د بڼوالي څانګه مستقل لابراتوار لري، چې نسبتاً د اړتیا وړ لومړني تجهیزات لري. د اړونده وسایلو څخه د محصلینو د علمي څیړنو د ترسره کولو لپاره ګټه اخستل کېږي.

د هارټیکلچر څانګې د کادري غړو پیژندګلوي

هـ) د هارتیکلچر(بڼوالۍ) څانګې تحصیلی نصاب ( تخصصی مضامین)