په کابل پوهنتون کې د کیفیت تضمین کمېټې ناسته جوړه شوه

ناپیژنده (not verified)
یکشنبه ۱۴۰۰/۵/۱۰ - ۱۴:۴۰
ku

د کابل پوهنتون د کیفیت تضمین کمېټې ناسته د روان کال د زمري په ۹ نېټه شنبې په ورځ د کابل پوهنتون رییس پوهاند دکتور محمد عثمان بابري په ریاست د علمي چارو مرستیال پوهاند محمد شفیع شریفي، کیفیت تضمین کمېټې امر او غړو په ګډون جوړه شوه.

پدې ناسته کې د کابل پوهنتون رییس د خپلو لارښووني خبرو په لړ کې په کابل پوهنتون کې د درسي کیفیت د وضعیت په ښه والي تاکید وکړ. ښاغلي بابري وویل، چې په علمي او اکاډمیکو ځایونو کې یو له اساسي عنصرونو څخه د کیفیت تضمین دی او ټول مسوولیت لرو، چې په کابل پوهنتون کې د کیفیت تضمین د ښه والي په برخه کې له هېڅ ډول هڅو او کوښښونو څخه ډډه ونکړو. د کابل پوهنتون رییس د کیفیت تضمین کمېټې څخه وغوښتل یوه طرحه، چې په هغه کې په بنسټیزه توګه لومړیتوبونه په پام کې نیول شوي وي، په کابل پوهنتون کې د درسي کیفیت د غوره والي لپاره جوړه کړي تر څو د هغې په رڼا کې د کابل پوهنتون رهبري د هغې په رڼا کې د کیفیت تضمین کمېټې سره همکاري ولري.

پدې ناسته کې د کابل پوهنتون د علمي چارو مرستیال پوهاند محمد شریف شریفي په کابل پوهنتون کې د کیفیت تضمین د غوره والي په اړتیا د تاکید ترڅنګ وویل: د کیفیت تضمین کمېټه متعهده ده، چې مثبت بدلونونه رامنځته کړي، ولې پدې برخه کې ستونزې او ننګونې شتون لري او د بدلونونو رامنځته کول ساده ندي ولې مونږ هڅه کوو، چې د کیفیت تضمين د څانګو، پوهنځیو، د کابل پوهنتون او حتی د هر استاد لپاره یې په یو فرهنګ بدل کړو او کله، چې مونږ دې چارې ته ورسیږو په باور سره د کیفیت تضمین په برخه کې ستونزې کمې شي.

د کیفیت تضمین ناستې په پای کې د کابل پوهنتون د کیفیت تضمین امر سید سخي احمد سلطاني وویل، چې دا کمېټه د بدلون او تحرک په لټه کې ده او یوه نظر پوښتنه یې په لاره اچولې، چې د دې نظر پوښتنې پر بنسټ د کیفیت تضمین په برخه کې یو لړ ستونزې شتون لري او په هغې د بریالي کيدو سره به کمېټه د کابل پوهنتون رهبري ته حل لارې وړاندېز کړي تر څو پدې برخه کې اقدام تر سره کړي.

د کیفیت تضمین بحث د هیواد د لوړو زده کړو په بنسټونو کې یوه مهمه مسئله ده. دا بهیر هغه مهال بریالی او اغېز لرونکی دی، چې د هغې پر وړاندې جدي ستونزه شتون ونلري او محصلین د لوړو زده کړو بنسټونو کې د درس له کیفیت څخه راضي وي.

تازه خبرونه

دوشنبه ۱۴۰۲/۱۲/۲۱ - ۱۳:۳۶
Background image

په کابل پوهنتون کې د نیالګیو کېنولو کمپاین پیل شو

د روان کال کب میاشتې په ۲۰ نېټه په کابل پوهنتون کې د نیالګیو کیېنولو کمپاین د دې علمي بنسټ په چاپېریال کې د ۲۰۰ اصلي زینتي نیالګیو په کېنولو پیل شو.

په کابل پوهنتون کې د نیالګیو کېنولو. . .

دوشنبه ۱۴۰۲/۱۲/۱۴ - ۱۵:۳۶
Background image

د پایلو پر بنسټ زده کړو ورکشاپ پیل شو

د کابل پوهنتون ۲۲تنه نویو ګمارل شویو استادانو لپاره د پایلو پر بنسټ(OBE) زده کړو ۶ ورځنی ورکشاپ د پوهنتون مسلکي پراختیا آمریت لخوا پیل شو، په دې ورکشاپ کې د تدریس اصول، د ټولګي کنترول،. . .

سه‌شنبه ۱۴۰۲/۱۲/۸ - ۱۲:۵۸
Background image

د بې سرحده ډاکټرانو دفتر یا (MSF) د ۱۰۰۰ په شاوخوا کې د فارمسي پوهنځۍ د زده کړیالانو لپاره د سپینو چپنو مرسته وکړه

 په همدې تړاو جوړو شویو مراسمو کې د کابل پوهنتون فارمسي پوهنځۍ رئیس پوهنوال آقا محمد ژکفر په خپلو خبرو کې د بې سرحده ډاکټرانو له مرسته مننه وکړه او دغه راز یې له دوی څخه وغوښتل چې د. . .

BACK TO NEWS

گالری رسانه

په کابل پوهنتون کې د نزول القرآن تر عنوان لاندي کنفرانس چي د شرعیاتو پوهنځي محترمو استادانو لخوا جوړ شوی وو، دائر شوو. نور جزئیات په لاندي ويډيويي راپور کې!

په باراني موسم کې د کابل پوهنتون څو ښکلي انځورونه

په کابل پوهنتون کې د اوبو نړیواله ورځ د یو لړ شانداره مراسمو په ترڅ کې ونمانځل شوه. نور حال په چمتو شوي ویډیویي راپور کې:

د کابل پوهنتون غوره محصلین په کابل کې د ګاونډي هيواد چين سفارت لخوا د يوې غونډې په ترڅ کې په ستاینلیکونو او نغدي ډالۍ وستايل شول. نور حال په چمتو شوي ویډیویي راپور کې:

کابل پوهنتون په ۱۴۰۲هـ.ل کال کې د شاوخوا ۹۰ میلیونه افغانیو په لګښت لسګونه رغنیزې پروژې تطبیق کړي دي. ویډیويي راپور:

په کابل پوهنتون کي پر نویو سرکونو د قير اچونې چاري پیل شوې

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

له نرم او ښایسته باران وروسته د کابل پوهنتون دښایسته انګړ د عکسونو البوم