په کابل پوهنتون کې د لوړو زده کړو بنسټونو محصلینو واکسناسیون بهیر پیل شو
په کابل پوهنتون کې د حضوري زده کړو د پیل تدابیرو په موخه د دوهمې دورې واکسیناسیون بهیر محصلینو، استادانو او کارمندانو ته د روان کال د زمري په ۶ نېټه د چهارشنبې په ورځ د لوړو زده کړو وزیر، د عامې روغتیا وزارت کارمندانو او د کابل پوهنتون محصلینو په حضور کې پیل شو.
د هیواد د لوړو زده کړو وزیر دکتور عباس بصیر د دې بهیر په پرانیست غونډه کې، چې په کابل پوهنتون کې پیل شو، د دې واکسیناسیون په پیل د خوښي ترڅنګ یې وویل: په خواشیني سره، چې د کرونا ویروس نړۍ والو، افغانستان چارو ته د تاوان رسولو په ځانګړې توګه د هیواد لوړو زده کړو سیسټم ته یې لوی ضرر رسولای دی، چې له یو لوري د حضوري درسونو د تعطیلاتو ته جدي ضرر او له بل لوري د ظرفیت ټيټېدل او د انټرنټ او ټکنالوژي د برخې نه تیاري او په انلاین ډول درسونو ته د هیواد په زیاتو برخو کې دې سیسټم ته د استادانو او محصلینو لازم نه لاسرسۍ دی، چې دا د دې سبب شو تر څو د لوړو زده کړو بنسټونو بنسټیزو مسوولینو له لوري اړینه رسېدنه ونشي. د کرونا ویروس ممکن یو دوامداره ناروغي وي، چې د دوام په صورت کې د راتلونکو څپو د راتلو بهیر درسي سیسټم او د هیواد د لوړو زده زده کړو برخې ته زیات تاوانونه واړوي او محصلین، چې د ټولنې محرکه زړه دی وبه دریږي. پدې توګه له کومه ځایه، چې د لوړو زده کړو سکتور رهبري لپاره د حضوري درسونو بیا پیل او د لوړو زده کړو بنسټونو د محصلینو، استادانو او کارمندانو روغتیا مهمه وه، د لوړو زده کړو وزارت او عامې روغتیا وزارت رهبري تر مشورو وروسته پرېکړه وشوه، چې د محصلینو واکسناسیون پیل او تر دې وروسته د کرونا ویروس باندې د اخته کېدو پېښو راپورونو موجودیت راښکته وښيي، د پوهنتونونو درسونه به په تدریجي ډول سره پیل شي، چې پدې توګه د زده کړو تر پیل مخکې د ټولو لوړو زده کړو بنسټونو د محصلینو واکسینېدل اړین دي.
دکتور بصیر زیاته کړه، چې د هیواد د ټولو محصلینو په اندازه واکسین شته دی او د هغو واکسیناسیون د حضوري درسونو پورې به دوام ومومي، چې پدې توګه د کابل پوهنتون درسي ټولګیو او لیلیو او د لوړو زده کړو او نورو بنسټونو ته د ننوتو پر مهال د واکسین د کارت شتون اړین دی.
د کابل پوهنتون د محصلینو د واکسیناسیون بهیر، چې نن چهارشنبه پیل شوی په کابل پوهنتون کې د حضوري درسونو تر پیل پورې به دوام ومومي او ګران محصلین باید په کابل پوهنتون، مرکز او نورو ولایتي روغتیايي مرکزونو کې ځان واکسین کړي.
