د کابل پوهنتون د ۱۴۰۱ هـ ش کال د فارغ التحصیل محصلینو د فراغت غونډې مراسم تر سره شول

tariq_admin
یکشنبه ۱۴۰۱/۹/۲۰ - ۱۶:۲۲
121

پدې غونډه کې د کابل پوهنتون رهبري، د لوړو زده کړو وزارت معینانو او رئیسانو، د پوهنتون استادانو، محصلینو، او د محصلینو والدینو ګډون کړی وو.

یاد مراسم د څو مبارکو آیاتونو په تلاوت سره پیل شول، وروسته د کابل پوهنتون رئیس دکتور اسامه عزیز مېلمنو ته ښه راغلاست ووایه او د محصلینو د فراغت مراسم یې د ویاړ او نېکمرغۍ وړ کار یاد کړ. دکتور عزیز د پوهنتون د علمي او تاریخي سرګذشت اړوند خبرې وکړې او زیاته یې کړه چې دغه پوهنتون په پوره اخلاص او ژمنتیا د خپل هېواد او ولس پر وړاندې  خپل مسئولیت ادا‌ء کړی.

نوموړي فارغو شوو محصلینو ته د بریالیتوب هیله وکړه او له هغوی یې وغوښتل چې د خدمت په ډګر کې اسلامي او ملي ارزښتونو ته پوره ژمن واوسي.

د پوهنتون رئیس همدا راز د نظام له رهبرۍ څخه وغوښتل چې فارغو شوو ځوانانو ته د کار او خدمت زمینه برابره کړي.

وروسته د لوړو زده کړو وزارت د علمي چارو مرستیال ښاغلي لطف الله خیر خواه، د مالي او اداري چارو مرستیال ښاغلي مولوي حافظ محمد حسیب او د محصلانو چارو معینیت سرپرست ښاغلي استاد حامد یعقوبي محصلینو ته د فراغت مبارکي ورکړه او له دوی یې وغوښتل چې د علم او پوهې برخه خورا لویه ده او دوی باید په پوره ایماندارۍ، ژمنتیا او پوره حوصلې دې لارې ته دوام ورکړي ترڅو په راتلونکي کې غوره ماهرین او پوهان ترې جوړ شي.

دغه راز په یاده غونډه کې یو تن فارغ التحصیل محصل د نورو فارغو شوو محصلینو په استازیتوب خبرې وکړې او د پوهنتون له رهبرۍ څخه یې د فراغت غونډې د مراسمو د تر سره کولو په پار مننه وکړه.

د یادونې وړ ده چې پدې دور کې د کابل پوهنتون له ۲۲ پوهنځیو څخه څه باندې څلور زره محصلین فارغ شول. د فراغت غونډې مراسم فارغانو ته د تصدیق نامو په وېش او د پوهنتون د مالي او اداري چارو مرستیال په دعایه کلام سره پای ته ورسېدل.

تازه خبرونه

پنجشنبه ۱۴۰۱/۱۱/۱۳ - ۱۵:۱۲
Background image

په کابل پوهنتون کې د پرمختللې علمي رهبرۍ روزنیز ورکشاپ پای ته ورسید

په کابل پوهنتون کې د روان کال سلواغې په ۱۳ نیټه پنجشنبې په ورځ  پر مختللې علمي رهبرۍ روزنیز  ورکشاپ پای ته ورسید.

د نوموړي ورکشاپ پای ته رسیدو غونډه کې د کابل پوهنتون رئیس ښاغلي دکتور. . .

پنجشنبه ۱۴۰۱/۱۱/۱۳ - ۱۳:۵۳
Background image

د احمد وحید مژده د شهادت څلورم تلین نمانځنه ترسره شوه

په کابل پوهنتون کې د ملي راډیو تلویزیون لخوا په جوړه شوې یاد غونډه کې د هیواد پخواني دیپلومات او شنونکي شهید احمد وحید مژده د شهادت څلورم تلین نمانځنه ترسره شوه.

په یاده غونډه کې د. . .

دوشنبه ۱۴۰۱/۱۱/۱۰ - ۱۶:۳۴
Background image

په کابل پوهنتون کې د پر مختللې اکاډمیکې رهبرۍ روزنیز ورکشاپ دائر شو

دغه ورکشاپ د روان کال سلواغې میاشتې په لسمه نېټه د پوهنتون مسلکي ودې آمریت (PDC)، لخوا جوړ شوی دی او څلور ورځې به دوام وکړي. په نوموړي ورکشاپ کې د بېلابېلا پوهنځیو رئیسان ګډون لري.

په. . .

BACK TO NEWS

گالری رسانه

د کابل پوهنتون استادانو ته د لوړو زده کړو محترم وزیر شیخ ندا محمد ندیم صاحب د وینا یوه برخه:

د ټولنیزو علومو پوهنځي کې د ماسټري د نویې برنامې رامنځ ته کېدو د نصاب په اړه د نظر شریکولو غونډه ترسره شوه

د کابل پوهنتون د کرنې پوهنځي د څېړنیز پوسترونو نندارتون پرانستل شو

د کابل پوهنتون د ۱۴۰۱ هـ ل کال د فارغ التحصیل محصلینو د فراغت غونډې مراسم تر سره شول

د کابل پوهنتون د ۱۴۰۱ هـ ل کال د فراغت غونډې د عکسونو البوم

له نرم او ښایسته باران وروسته د کابل پوهنتون دښایسته انګړ د عکسونو البوم

دکابل پوهنتون د ښکلو هنرونو پوهنځۍ د پسرلنی سمسټر د نندارتون په مراسمو کې دلوړو زده کړو وزارت دعلمي معین ښاغلی لطف الله خیرخواه صاحب وینا