د کابل پوهنتون د وترنري علومو په پوهنځي کې د Lumpy Skin Disease ناروغی په اړه ګډه غونډه جوړه شوه

ناپیژنده (not verified)
دوشنبه ۱۴۰۱/۵/۱۷ - ۱۰:۱۹
pic7

د افغانستان په بېلابېلو ولایتونو کې په غواګانو کې د پوستکي ناروغۍ  ( Lumpy Skin Disease ) د خپرېدو او انسانانو ته یې د لېږد په اړه د ناسمو راپورونو د خپرېدو له امله د کابل پوهنتون د وترنري علومو پوهنځي د پاراکلینیک څانګې د روان کال د زمري په ۱۵ مه نېټه په یاده پوهنځي کې ګډه غونډه ترسره کړه.

په دغه غونډه کې د کابل پوهنتون د وترنري علومو پوهنځي رئیس ښاغلي پوهاند دکتور سید شېرشاه سادات، د پاراکلینیک څانګې آمر پوهاند اسدالله صمدي، د کرنې وزارت د څارویو د روغتیا ریاست استازي ډاکټر ابراهیم فروتن، د عامې روغتیا وزارت د څارنې ریاست استازي ډاکټر نعیم رحیمي او د کابل ښاروالۍ استازي انجینر احمد ضیاء خالد ګډون کړی وو.

لومړی د وترنري پوهنځی رئیس د ساري ناروغیو، د هغه سره د مبارزې او نورو روغتیایي مسایلو په اړه د داسې ګډو غونډو د ترسره کولو د ارزښت په اړه د غونډې ګډونوالو ته هر اړخیز معلومات وړاندې کړل، ورپسې د پاراکلینیک څانګې آمر د غونډې ګډونوالو ته د Lumpy Skin Disease یا د پوستکي د ناروغۍ په اړه وروستي علمي معلومات وړاندې کړل او زیاته یې کړه چې یاده ناروغي انسانانو ته نه انتقالېږي او په څارویو کې د درملنې او مخنیوي وړ ده، او ویې ویل چې په نړۍ کې ددې ناروغۍ پر وړاندې اغیزمن واکسین په سوداګریزه بڼه شتون لري، که چېرې دغه واکسین د افغانستان په بازارونو کې شتون ونلري نو کولای شو چې د پسونو د چیچک واکسین د ۳ څخه  تر ۱۰ دوز / کرته کار واخیستل شي، همدارنګه ډاکټر صمدي ددې ناروغۍ په تړاو او ورسره د مبارزې په اړه ټول تړلي موضوعات تشریح کړل.

د غونډې په دوام د کرنې وزارت د څارویو د روغتیا ریاست استازي د افغانستان په بېلابېلو سیمو کې د یادې ناروغۍ د پېښو او د کرنې وزارت د کړنو په اړه هر اړخیز معلومات وړاندې کړل او زیاته یې کړه چې د دغې ناروغۍ په اړه ناسم معلومات د خلکو په مینځ کې خپاره شوی او خپرېږي چې له امله یې انسانانو ته د لېږد په اړه ناسم معلومات ددې باعث شوي چې ځینې مالدارانو خپل څاروي له منځه وړي او قصابانو د غواګانو د غوښو له خوړلو او پلورلو څخه ډډه کړې.

همدارنګه د عامې روغتیا وزارت د څارنې ریاست او د کابل ښاروالۍ استازو وویل چې ددوی ادارې تل د انساني  او حیواني روغتیا اړونده څانګو سره په همغږۍ د څارویو د غوښو د پلورلو او نه پلورلو په اړه په ګډه تصمیم نیسي او تر اوسه یې د Lumpy Skin Disease په اړه د اړونده ادارو څخه هېڅ نوعه مکتوب نده ترلاسه کړی او نه هم پدې اړه کوم تصمیم نیول شوی.

د غونډې په آخر کې د پاراکلینیک آمر ددغه ګډې غونډې د پایلو په بیانولو او ددغه ناروغۍ په اړه د ناسمو معلوماتو د خپراوي او د ځینو ولایتونو د ښاروالانو لخوا د غواګانو د غوښو د خرڅلاو  د بندولو د غیر مسلکي پرېکړو په پام کې نیولو سره پدې اړه د یوې ګډې خبري غونډې د جوړولو وړاندیز وکړ چې د ټولو ګډونوالو د خوښۍ او تائید وړ وګرځیده چې بالاخره ددغه خبري غونډې پرانیسته د کابل پوهنتون پلاوي په غاړه واخیسته چې په نږدې راتلونکي کې به دغه غونډې ته موقع برابره او دائره به یې کړي.

تازه خبرونه

پنجشنبه ۱۴۰۳/۴/۲۸ - ۱۰:۵
Background image

له طلوع نیوز ټلوېزیون څخه د ژورنالېزم پوهنځي محصلینو لیدنه

د کابل پوهنتون ژورنالېزم پوهنځي محصلینو له طلوع نیوز ټلوېزیون څخه د علمي سیر په ترڅ کې لیدنه وکړه.

په دې علمي سفر کې، چې د ژورنالېزم پوهنځي استادانو یې هم ملتیا کوله؛ د خبر، ژوندیو. . .

سه‌شنبه ۱۴۰۳/۴/۲۶ - ۹:۱۶
Background image

د تضمین کیفیت درې ورځنی ورکشاپ پای ته ورسېد

د کابل پوهنتون بېلابېلو پوهنځیو رئیسانو، استادانو او اداري کارمندانو ته د تضمین کیفیت اړوند درې ورځنی ورکشاپ نن پای ته ورسېد.

په یاد درې ورځنی ورکشاپ کې د تضمین کیفیت پر چوکاټ او جوړښت. . .

شنبه ۱۴۰۳/۴/۲۳ - ۱۶:۴۳
Background image

د فارمسي پوهنځي محصلینو بامیانو او میدان وردګو ولایتونو ته علمي سفر وکړ

بامیانو او میدان وردګ ولایتونو ته د کابل پوهنتون د فارمسي پوهنځي محصلینو  څلور ورځنی علمي سفر پای ته ورسېد.

په یاد علمي سفر کې، چې مشري یې د فارمسي پوهنځي استادانو پوهندوی عبدالغني. . .

BACK TO NEWS

گالری رسانه

د سینګاپور هېواد څخه راغلي مېلمه استاد ډاکټر Dr. Edmund Chow اېډمنډ چاو له لوري د هنرونو پوهنځي د تیاتر ډیپارټمنټ محصلینو ته درې ورځنی ورکشاپ پای ته ورسېد. د تیاتر په برخه کې د تمثیلي پارچو وړاندې کولو او داستان لیکنې برخه کې محصلینو ته درې ورځنی ورکشاپ

د استعمال شوو اوبو د تصفیې سیستم له دېرش کاله وقفې وروسته بیا فعال شو، چې د پوهنتون په انګړ کې د شاوخوا شپېته جریبه شنې ساحې په خړوبولو کې به ترې کار اخیستل کېږي. بشپړ راپور د نشراتو آمریت له لوري په چمتو شوي ویډیویي راپور کې کتلی شئ.

کابل پوهنتون د بهرنیو ژبو او ادبیاتو پوهنځي اړوند د انګلیسي ډيپارتمنت لپاره یو مجهز کمپیوټر لب جوړ شوی، چې د هیواد د مختلفو پوهنتونونو علمي کادري بستونو د آزموينې ترڅنګ استادان پکې خپلې علمي څېړنې کوي او محصلین هم ترې په مختل

څه باید وکړو/ چی باید کرد? د (څه باید وکړو؟) تر عنوان لاندې د چاپیریال ساتنې په تړاو هنري تمثیل وړاندې شو. د کابل پوهنتون د ښکلو هنرونو پوهنځي د تیاتر ډيپارټمنټ محصلینو له لوري د لارښود استادانو په لارښوونه د "څه باید وکړو؟" تر عنوان لاندې د چاپیریال سات

د معلوماتي ټکنالوژي پوهنځي د کابل پوهنتون یو له هغو پوهنځيو څخه ده چې د مکرويانو سیمه کې قرار لري. د دې لپاره چې د یادې پوهنځي له علمي، اداري او تدریسي چارو څخه خبر شی، نو لاندي ويډيويي را پور وګورئ!

په کابل پوهنتون کې د نزول القرآن تر عنوان لاندي کنفرانس چي د شرعیاتو پوهنځي محترمو استادانو لخوا جوړ شوی وو، دائر شوو. نور جزئیات په لاندي ويډيويي راپور کې!

په باراني موسم کې د کابل پوهنتون څو ښکلي انځورونه

په کابل پوهنتون کې د اوبو نړیواله ورځ د یو لړ شانداره مراسمو په ترڅ کې ونمانځل شوه. نور حال په چمتو شوي ویډیویي راپور کې:

د کابل پوهنتون غوره محصلین په کابل کې د ګاونډي هيواد چين سفارت لخوا د يوې غونډې په ترڅ کې په ستاینلیکونو او نغدي ډالۍ وستايل شول. نور حال په چمتو شوي ویډیویي راپور کې:

کابل پوهنتون په ۱۴۰۲هـ.ل کال کې د شاوخوا ۹۰ میلیونه افغانیو په لګښت لسګونه رغنیزې پروژې تطبیق کړي دي. ویډیويي راپور:

په کابل پوهنتون کي پر نویو سرکونو د قير اچونې چاري پیل شوې

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو