د کابل پوهنتون د فارغینو شورا جوړه او د پوهنتون د محصلینو اتحادیې مخکینیو مسوولینو څخه ستاینه وشوه

ناپیژنده (not verified)
شنبه ۱۳۹۹/۱۰/۲۷ - ۱۶:۳۶
ku

د کابل پوهنتون د محصلینو اتحادیې د روان کال د مرغومي میاشتې په ۲۵ نېټه په یو لړ مراسمو کې، چې د کابل پوهنتون د محصلینو چارو مرستیال، استادانو، محصلینو او د دې اتحادیې غړو په ګډون د د ښکلو هنرونو پوهنځي د غونډو په تالار کې جوړه شوې وه، د کابل پوهنتون د فارغینو شورا جوړه او همدارنګه د محصلینو اتحادیې له مخکنیو مسوولینو څخه یې ستاینه وکړه.

پدې برنامه کې د کابل پوهنتون د محصلینواتحادیې رییس ښاغلي مصطفی ارین خبرې وکړې او د دې اتحادیې په چوکاټ کې یې د خپلو پخوانیو همکارانو له اغېزمنو او ګټورو کړنو څخه مننه وکړه او وروسته یې د پوهنتون د فارغانو شورا (المونای)، د کابل پوهنتون د زرګونو فارغینو په منځ کې یې د دې بنسټ شتون یوه اړتیا یاده کړه او د دې شورا چوکاټ او کاري اصول معرفي، د دې شورا په راتلونکو برنامو او همدارنګه یې د کابل پوهنتون محصلینو د راتلونکو برنامو په اړه یې هم معلومات وړاندې کړل. ښاغلي ارین محصلین د کابل پوهنتون یوه بنسټیزه ضلع یاده کړه او د هغوی ترمنځ د همغږۍ پیاړتیا، د فعالیتونو روښانول او د هغوی په ګټور رول یې تاکید وکړ.

وروسته د کابل پوهنتون د محصلینو چارو مرستیال پوهندوی فیصل امین پدې برنامه کې خبرې وکړې د نوې ټکنالوژي په راتګ سره یې د محصلینو همغږي او د ګډو کارونو په موخه د محصلینو د اړیکو ځای او رول یې ګټور وباله او د دې برنامې په جوړېدو سره یې د کابل پوهنتون د محصلینو اتحادیې کارونو څخه ستاینه وکړه. پوهندوی فیصل امین د کابل پوهنتون د فارغینو شورا په جوړېډو خوښي ښوده او د خبرو په بله برخه کې یې د کابل پوهنتون د بدلون نوې برنامې ته په اشاره یې د محصلینو د خدمتونو په برخه کې یې یو لړ بې غوریو یادونه وکړه ویې ویل، چې د دې برنامې په پلي کېدو او په اغېزمنه توګه پلې کېدو په برخه کې د محصلینو د اتحادیې همکاري به دا ستونزې یو په بل پسې له منځه یوسي.

د دې برنامې په بله برخه کې په ۱۳۹۵ کال د دې اتحادیې د بیا جوړېدو له مهاله تر اوسه یې د دې اتحادیې د کارونو په اړه لنډ مستند نندارې ته وړاندې شو او په نېغه توګه یې د کابل پوهنتون د پخوانیو رییسانو هر یو احمد فهیم عظیمي، جاوېد فاروس او امید مهریار په خپل وار سره یې مصاحبه ترتیب او دوی خپلو تجربو او خاطرو، په کلتوري، علمي او سپورټي برخه کې د اتحادیې لرلید او کارونو په هکله معلومات وړاندې کړل. هغوی هر یو د اتحادیې په فرهنګي او ټولنیزو برنامونو کې د کابل پوهنتون د زده کړیالانو ګډون، د کابل پوهنتون په علمي او رهبري شورا په ۲۵ ناستو کې د محصلینو د ستونزو بیان، د محصلینو لپاره د کار په موخه له ملي او نړۍ والو بنسټونو سره د ګټورو او اغېزمنو اړیکو ټینګول او ... په هکله خبرې وکړې.

د دې برنامې په پای کې د کابل پوهنتون د فارغینو شورا د پټۍ په پرېکېدو سره په رسمي ډول جوړه شوه او محمد فهیم عظیمي، علي جمعه نظري او بهیشته نذیر په خپل وار سره د لنډ مهاله رییس، مرستیال او منشي په توګه وټاکل او معرفي شول، ښاغلي عظیمي او اداري مرستیال ښاغلي علي مهدوي هم د دې شورا د لرلید او نورو موخو په هکله لازم معلومات وړاندې کړل.

د کابل پوهنتون د محصلینو اتحادیه څو لسزیزې اوږده تاریخچه لري ولې د دې اتحادیې نوي فعالیتونه په ۱۳۹۵ کال کې بیا پیل شول، چې په پیل کې د ممتازو محصلینو د کمېټې په جوړښت سره یې فعالیتونه پیل کړل او د وخت په تېرېدو سره یې جوړښت غني او پراخه شو. د کابل پوهنتون د محصلینو اتحادیه په ۱۳۹۵ کال کې د محمد فهیم عظیمي په ریاست بیا جوړه او وروسته په خپل وار سره د ښاغلي جاوېد فاروس، ښاغلي امید مهریار او اوس د ښاغلي محمد مصطفی ارین تر ریاست لاندې د محصلینو د سري رایو پر بنسټ وټاکل شو، فعالیت کوي.د کابل پوهنتون د محصلینو اتحادیه د محصلینو، فرهنګي، غیر انتفاعي او غیر سیاسي بنسټ دی، چې د دې اصلي موخه د محصلینو ستونزو ته د رسېدو او د فرهنګي، علمي، سپورتي برنامو جوړېدو او ... د محصلینو د ظرفیت د لوړاوي په موخه فعالیت تر سره کوي.

تازه خبرونه

دوشنبه ۱۴۰۲/۱۲/۲۱ - ۱۳:۳۶
Background image

په کابل پوهنتون کې د نیالګیو کېنولو کمپاین پیل شو

د روان کال کب میاشتې په ۲۰ نېټه په کابل پوهنتون کې د نیالګیو کیېنولو کمپاین د دې علمي بنسټ په چاپېریال کې د ۲۰۰ اصلي زینتي نیالګیو په کېنولو پیل شو.

په کابل پوهنتون کې د نیالګیو کېنولو. . .

دوشنبه ۱۴۰۲/۱۲/۱۴ - ۱۵:۳۶
Background image

د پایلو پر بنسټ زده کړو ورکشاپ پیل شو

د کابل پوهنتون ۲۲تنه نویو ګمارل شویو استادانو لپاره د پایلو پر بنسټ(OBE) زده کړو ۶ ورځنی ورکشاپ د پوهنتون مسلکي پراختیا آمریت لخوا پیل شو، په دې ورکشاپ کې د تدریس اصول، د ټولګي کنترول،. . .

سه‌شنبه ۱۴۰۲/۱۲/۸ - ۱۲:۵۸
Background image

د بې سرحده ډاکټرانو دفتر یا (MSF) د ۱۰۰۰ په شاوخوا کې د فارمسي پوهنځۍ د زده کړیالانو لپاره د سپینو چپنو مرسته وکړه

 په همدې تړاو جوړو شویو مراسمو کې د کابل پوهنتون فارمسي پوهنځۍ رئیس پوهنوال آقا محمد ژکفر په خپلو خبرو کې د بې سرحده ډاکټرانو له مرسته مننه وکړه او دغه راز یې له دوی څخه وغوښتل چې د. . .

BACK TO NEWS

گالری رسانه

په کابل پوهنتون کې د اوبو نړیواله ورځ د یو لړ شانداره مراسمو په ترڅ کې ونمانځل شوه. نور حال په چمتو شوي ویډیویي راپور کې:

د کابل پوهنتون غوره محصلین په کابل کې د ګاونډي هيواد چين سفارت لخوا د يوې غونډې په ترڅ کې په ستاینلیکونو او نغدي ډالۍ وستايل شول. نور حال په چمتو شوي ویډیویي راپور کې:

کابل پوهنتون په ۱۴۰۲هـ.ل کال کې د شاوخوا ۹۰ میلیونه افغانیو په لګښت لسګونه رغنیزې پروژې تطبیق کړي دي. ویډیويي راپور:

په کابل پوهنتون کي پر نویو سرکونو د قير اچونې چاري پیل شوې

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

له نرم او ښایسته باران وروسته د کابل پوهنتون دښایسته انګړ د عکسونو البوم