د کابل او لغمان پوهنتونونو ترمنځ د علمي او څېړنیزو همکاریو هوکړه لیک لاسلیک شو

Abdul Hai Alamyar
سه‌شنبه ۱۳۹۹/۱۱/۲۸ - ۱۷:۹
ku

د روان ۱۳۹۹ د سلواغې میاشتې په ۲۸ نېټه د سه شنبې په ورځ د کابل پوهنتون او لغمان پوهنتون ترمنځ د علمي او څېړنیزو همکاریو هوکړه لیک د لوړو زده کړو وزارت سټراټيژیک پلان او همدارنګه د کابل پوهنتون د بدلون پلان پربنسټ، چې د دې پوهنتون د رهبري له لوري جوړ شوی دی، د دواړو بنسټونو ترمنځ د علمي او اکاډمیکو، د ګډو علمي څېړنو پراختیا او د تحصیلي کیفیت د لوړوالي په موخه  لاسلیک شو.

د کابل پوهنتون رییس پوهاند دکتور محمد عثمان بابري د دې هوکړه لیک د لاسلیک پدې برنامه کې خبرې وکړې او د لغمان پوهنتون علمي مرستیال پوهنیار میرویس صدیقمل ته یې ښه راغلاست وویل او د ګډو همکاریو د زمینې په برابرېدو یې خوښي وښوده، ویې ویل د هیواد د علمي بنسټونو ترمنځ د اړیکو درلودل ګټور او ارزښتمند دي او  دا یې د هیواد د لوړو زده کړو د پیاوړتیا په برخه کې ګټور وباله. ښاغلي بابري د دې هوکړه لیک پر اساس د دې بنسټ د تعهداتو پر عملي کېدو د تاکید ترڅنګ یې د کابل پوهنتون له لوري یې تعهد وکړ، چې  د لغمان پوهنتون سره به د هر ډول همکاریو  لپاره چمتو وي.

همدارنګه د لغمان پوهنتون علمي مرستیال پوهنیار میرویس صدیقمل د لغمان پوهنتون سره د کابل پوهنتون رهبري هیئت د اماده ګیو ښودلو څخه مننه وکړه ویې ویل، چې کابل پوهنتون د هیواد د لوی پوهنتون په توګه د امکاناتو او اکاډمیکو چارو کې د تجربو او امکاناتو په لحاظ غني دی او  د دواړو پوهنتون ترمنځ د دې هوکړه لیک د موادو  پلي کول به د لغمان پوهنتون د لوړو زده کړو د رشد او کیفیت په لوړولو کې مثبت تاثیرات ولري. نوموړي د دې هوکړه لیک په ټولو مفادونو تاکید وکړ او د لغمان پوهنتون له لوري یې د دې په عملي کېدو لپاره اماده ګي اعلان کړه.

د دې هوکړه لیک موخه د علمي او څېړنیزو اړیکو جوړول، د ظرفیتونو د لوړاوي په موخه د زمینې برابرول او په دواړو بنسټونو کې د شته امکاناتو څخه ګټه پورته کول ښول شوي دي، چې د ګډو څېړنیزو برنامو پر بنسټ د ښوونیزو ورکشاپونو، په دواړو  علمي بنسټونو کې د شته امکاناتو او تسهیلاتو  څخه متقابله ګټه  او نورې اکاډمیکې همکاري به تر سره شي.

تازه خبرونه

شنبه ۱۳۹۹/۱۲/۹ - ۱۶:۴۱
Background image

د کابل پوهنتون د مشاورې د برخې استادانو له لوري په نړۍ واله کچه د افغانستان د خلکو له نظره د ټولنیزې رواني روغتیا تر عنوان لاندې د ګډې څېړنې پایله وړاندې شوه

د سولې، دوستي او عدالت (Peace, Love, and Justice) تر عنوان لاندې د یوې ګډې علمي څېړنې پایلې، چې د کابل پوهنتون د ارواپوهنې او روزنیزو علومو پوهنځي د مشاورې د برخې استادانو، د نیویارک. . .

شنبه ۱۳۹۹/۱۲/۹ - ۹:۴۷
Background image

په کابل پوهنتون کې د یوې علمي څېړنې موندنې « د افغانستان د جزا کوډ ګټې او نواقص» تر عنوان لاندې د یو کنفرانس په لړ کې وړاندې شوې

د افغانستان د جزا کوډ ګټې او نواقص د یوې علمي ګډې څېړنې پایلې د یو کنفرانس په لړ کې د لسګونو ګډون کوونکو، د نظر څښتنانو او د دولتي او خصوصي مختلفو بنسټونو د قضايي او حقوقي برخو. . .

چهارشنبه ۱۳۹۹/۱۲/۶ - ۱۵:۴۲
Background image

د کابل پوهنتون رهبري او د ایران ازاد اسلامي پوهنتون رهبري هئیت ترمنځ ګډه ناسته جوړه شوه

د کابل پوهنتون د علمي او محصلینو چارو مرستیالانو او د ایران ازاد اسلامي پوهنتون د نړۍ والې او بهرنیو زده کړیالانو چارو مرستیال، د ایران ازاد اسلامي پوهنتون رییس- د کابل واحد او په کابل. . .

BACK TO NEWS

All Media

د سولې جوړونې په اړه د جمهور رئيس جلالتمآب محمد اشرف غنی د وینا دوهمه برخه

د سولې جوړونې په اړه د جمهور رئيس جلالتمآب محمد اشرف غنی د وینا لومړۍ برخه