د لوړو زده کړو وزیر او په کابل کې د ایران جمهوري دولت استوګن سفیر د کابل پوهنتون له رییس سره وکتل او د پام وړ موضوعاتو باندې یې خبرې وکړې
د لوړو زده کړو وزیر دکتور عباس بصیر او په کابل کې د ایران اسلامي جمهوریت سفیر ډاکټر بهادر امنیان او مل پلاوي د روان ۱۴۰۰ د چنګاښ يه ۲۳ نېټه د چهار شنبې په ورځ له کابل پوهنتون او د دې پوهنتون له رهبري سره ولیدل او د پام وړ موضوعاتو د هغې له ډلې د ایران اسلامي جمهوريت سفارت فرهنګي رایزني او د لوړو زده کړو وزارت او کابل پوهنتون سره علمي – فرهنګي اړیکو پیاوړتیا باندې خبرې وکړې.
د لوړو زده کړو وزیر دکتور عباس بصیر، په کابل کې د ایران اسلامي جمهوریت سفیر ډاکتر بهادر امینیان او د کابل پوهنتون رییس پوهاند دکتور محمد عثمان بابري پدې لیدنه کې په داسې حال کې، چې د پوهنتون د علمي او محصلینو چارو مرستیالانو هم حضور درلود، هر یو د دې لیدنې او خبرو د زمیني په برابرېدو خوښي وښوده، د علمي- کلتوري همکاريو، د دې همکاريو پیاوړتیا او همدارنګه د دري ژبې او ادبیانو څانګې ودانۍ پروژې کار، چې د خپلو خبرو په لړ کې یې ورڅخه لیدنه وکړه، خبرې وکړې. درې واړو لورو پدې لیدنه کې دواړو دوستو افغانستان او ایران هیوادونو د ژورو دیني، اقتصادي، تاریخي، ټولنیزو او کلتوري مشترکاتو درلودونکي وبلل او د دې همکاریو په پیاوړتیا او د دواړو علمي او اکاډمیکو بنسټونو ترمنځ د علمي- کلتوري مناسبتونو په پیاوړتیا تاکید وکړ.
د لوړو زده کړو وزیر او د کابل پوهنتون رییس په کابل پوهنتون کې د ایران هیواد له لوري د دري ژبې او ادبیاتو څانګې جوړېډونکې ودانۍ د کار د توقف د عدم وضاحت په اړه د ایران اسلامي جمهوري سفیر تر خبرو وروسته، د دې ودانۍ د جوړېدو په برخه کې د ایران هیواد همکاري څخه د مننې ترڅنګ د قانوني ننګونو په له منځه وړو کې همکاري او د هغې د ودانیز کار د دوام پیل باندې تاکید او تعهد وکړ.
