د نباتاتو ساتنې ډیپارټمنټ

الف) پیژندنه:

د  نباتاتو ساتنې څانګه په ۱۳۴۵ هـ ش کال کې د نباتي علومو د څانګې په چوکاټ کې تأسیس شوه او په ۱۳۶۰ هـ ش کال کې د یوې ځانګړې څانګې په حیث منځ ته راغله. د دې څانګې د جوړیدو موخه د ناروغیو او آفاتو څخه د نباتاتو ژغورنې،  د کرنیزو محصولاتو د سطحې لوړونې، او د نارغیو او آفاتونو له اړخه د محصولاتو د زیان کمیدنې په برخو کې د ځوان نسل روزنه ده. د نباتي ناروغیو اساسات، د حشره پیژندنې د علم اساسات، مایکولوژي، بکټریالوژي، د مزورعي نباتاتو مضره حشرې او کنې، نیماتولوژي، ویرولوژي، د مزروعي نباتاتو ناروغۍ، آفت وژونکي، د ونو آفتونه، د ونو ناروغۍ، د آفاتو مخنیوي، څیړنیزه پروژه او بعضي نور مضامین ددې څانګې له اختصاصي مضامینو څخه دي.

ب) د روزنې موخې:

۱- لیدلوری:

د نباتاتو د ساتنې څانګه غواړي چې د تدریس، تجربوي څیړنو او د زده کړو ، علمي څیړنو او لارښوونو خدمتونو په برخو کې د نباتي ناروغیو او آفتونو څخه د کرنیزو محصولاتو د ساتنې برخه کې د پرمختګ په منظور د یو ملي او سیمه ایز معتبر علمي نهاد په حیث شتون ولري. 

۲- ماموریت:

د نباتاتو د ساتنې څانګه د تدریسي او څیړنیزو چوپړتیاوو د وړاندې کولو له لارې د نباتاتو د ساتنې په برخه کې د غوره او لایقو کدرونو په روزنه بوخته ده، او د کرنیزو محصولاتو د کمي او کېفي زیاتوالي لپاره د نوي ساینسي میتودونو او ټیکنالوژۍ په کارولو سره د ټولنې له پراختیا سره مرسته کوي.

۳- بسټیزې موخې:

• د کرنیزو آفت وژونکو د زیانونو کمولو او له هغوې د غوره کارولو په برخه کې هڅې؛

• د محدودو مالي سرچینو د ضایع کېدو مخنیوی او د تولید د لګښتونو کمول؛

• د نویو میتودونو او نباتي ناروغیو په اړه د بزګرانو د عامه پوهاوي لوړول؛

• د کرنیزو آفت وژونکو د زیاتې کارونې له امله د اوبو د سرچینو، خاورې او نباتاتو د تخریب مخنیوی؛

• د نویو آفاتو یا هم د آفت وژونکو په مقابل کې د هغوي د مقاومت مخنیوی؛ او

• د مورفولوژي، فزیولوژي، ایکولوژي او د آفاتو د جمیعت او زیان اړونکو عاملانو بدلونونو، د نباتي ناروغیو د خپریدو او نورو اوړونده مسایلو په اړه د متخصصو کادرونو تربیه.

ج) هوکړه لیکونه:

په اوس وخت کې د نباتاتو  ساتنې څانګې له نورو پوهنتونونو سره هوکړه لیکونه نه لري.

د) لابراتوار او تجهیزات:

نوموړي څانګه مستقل لابراتوار لری، چې نسبتاً په لومړنیو وسایلو سره سمبال دی. د اړونده وسایلو څخه د محصلینو د علمي څیړنو په ترسره کولو کې ګټه اخستل کېږي.

شکل 10ـ د نباتاتو ساتنې څانګې لابراتوار انځور

 

د نبات ساتنې څانګې د  کادري غړو پیژندګلوي

 

هـ) د نباتاتو ساتنې څانګې تحصیلی نصاب ( تخصصی مضامین)

ګڼه	د مضمون نوم	کوډ نمبر	د کریډیټونو تعداد	ګڼه	د مضمون نوم	کوډ نمبر	د کریډیټونو تعداد
۱	نباتي مایکولوژي	Ag PP 0531	۲	۱۰	د سبو ناروغۍ	Ag PP 0643	۲
۲	نباتي نیماتولوژی	Ag PP 0532	۲	۱۱	د سبو آفتونه	Ag PP 0644	۲
۳	نباتي ویرولوژي	Ag PP 0533	۲	۱۲	د ونو مضره حشرې او کنې	Ag PP 0648	۳
۴	نباتي بکتریالوژي	Ag PP 0534	۲	۱۳	ګټورې حشرې او کنې	Ag PP 0744	۳
۵	اکارولوژي	Ag PP 0535	۳	۱۴	د آفت وژونکو اساسات	Ag PP 0743	۲
۶	دنباتي ناروغیو او آفاتو قرنطین	Ag PP 0849	۲	۱۵	د غنمو آفتونه	Ag PP 0745	۲
۷	د ونو ناروغۍ	Ag PP 0850	۳	۱۶	څیړنیزه پروژه (۱)	Ag PP 0747	۲
۸	د   کروندی نباتاتو ناروغۍ	Ag PP 0851	۳	۱۷	څیړنیزه پروژه (۲)	Ag PP 0847	۲
۹	د کروندی نباتاتو مضره کنې	Ag PP 0642	۳	۱۸