د تصنیف او ترانو ډيپارټمنټ

الف. پیژندنه

په ۱۳۴۷ کال کې د ښکلو هنرونو په ډيپارټمنټ کې د شرقي او غربي موسیقۍ برخه جوړه شوه. د شرعي اصولو په پام کې نیولو سره په ۱۴۰۱لمريز کال کې دغه ډيپارټمنټ د (تصنیف او ترانې) د ډيپارټمنټ په نامه شوه او په کریکولم کې یې تغیرات راغلل.

دا ډيپارټمنټ، د۱۳۶۰ کال په پیل کې د یوې رشتې په توګه تدریس کیده وروسته د یوه خپلواک دیپارتمنت په توګه فعال شو.

ب. موخې

1. لیدلوری

د تصنیفونو او ترانو ډیپارټمنټ د ځیرکو او تکړه استعدادونو د روزنې او د ارزښتمنو او باهدفه ترانو د رامنځته کولو په برخه کې فعالیت کوي. دا ډيپارټمنټ په تصنیف او ترانو ویلو کې د مسلکي متخصصینو د روزنې په برخه کې هڅه کوي چې د کړنو کمیتي او کیفیتي کچې ته وده ورکړي او د دې ډيپارټمنټ لوستې او رسیدلې طبقه به د هدف لرونکو متخصصینو په توګه د دې خاورې د فرهنګي، دیني او ملي هویت په پېژندنه او معرفي کې لویه ونډه ولري.

2. ماموریت

- د تصنیفونو او ترانو په برخه کې د مسلکي او وړ متخصصینو روزنه.

- په افغانستان کې د تصنیفونو او ترانو د ښوونیزو خدمتونو معیاري کول.

- له کیفي او کمي اړخه د یوې معتبرې ښوونیزې ډيپارټمنټ په توګه د تصنیفونو او ترانو د ډيپارټمنټ معرفي کول.

- د هیواد په لوی کلتوري مدیریت کې ګډون، د تصنیفونو او ترانو د تولید له لارې د ملي او اسلامي کلتور او ارزښتونو پراختیا او پیاوړتیا.

3. اساسي موخې

دا ډيپارټمنټ په هېواد کې د تصنیفونو او ترانو ویلو تر ټولو لوی علمي بنسټ په توګه په هېواد کې د ترانو او تصنیفونو په برخه کې د نوښت دنده او رسالت تر سره کوي. د دې ارزښتناک ماموریت د درک کولو په موخه، د دې اکاډمیک محیط غړي هر یو د ډيپارټمنټ د فعالیتونو په پلان کولو او تنظیم کولو کې د پام وړ ونډه لري او دا ګډون ورځ تر بلې پیاوړی کیږي.

 

 

ج) لابراتوار او زده کړه یز توکي

د تصنیفونو او ترانو ډيپارټمنټ د معیاري تدریس په موخه په کمپيوټر لابراتوار، د غږ ثبتولو سټوډيو، اړوندو وسايلو، معياري درسي خونو سره سمبال ده.

د) تحصیلي نصاب (ځانګړي مضامین)

ګڼه	د مضامینو نومونه	کود نمبر	کريډيټ	ګڼه	د مضامینو نومونه	کود نمبر	کريډيټ
۱	په کلاسيک سبک ترانې ويل	M.S01	20	5	سلفیژ	M.S05	3
۲	ډله يز وبلل	M.S02	12	6	غزل	M.S06	4
۳	تصنیف او ترانه جوړونه	M.S03	4	7	د تصنیف او غږ تاریخ	M.S07	6
۴	د لحن او غږ اساسات	M.S04	6	8	د افغانستان اتوموزیکولوژي	M.S08	6