د اوزبیکي ژبې او ادبیاتو ډيپارټمنټ

الف. پېژندنه:

د اوزبیکي ژبې او ادبیاتو ډيپارټمنټ د داخلي ژبو او ادبیاتو پوهنځي یو پخوانی ډيپارټمنټ دی. دغه ډيپارټمنټ د لومړي ځل لپاره په ۱۳۶۲ کال کې تأسیس شو، چې ټولنې ته د څو دورو فارغانو له وړاندې کولو وروسته د ځینو ملحوظاتو له امله د څه مودې لپاره بېرته تړل شوه؛ خو له نېکه مرغه په ۱۳۹۸ کال کې دغه ډيپارټمنټ بېرته فعال شو. اوس مهال د اوزبیکي ژبې او ادبیاتو په برخه کې متخصص کادرونو، ادیبان، څېړونکي او ښوونکي روزي.

ب. موخې:

1. لیدلوری:

د اوزبیکي ژبې او ادبیاتو د لا پیاوړتیا او پراختیا لپاره کار او دوامداره هڅې، دا راز د هغو کلتوري ارزښتونو ساتنه او پالنه چې د اوزبیکي ژبې په ویونکو پورې اړه لري او دوی د تاریخ په اوږدو کې ترلاسه کړي دي.

2. ماموریت:

د اوزبیکي ژبې او ادبیاتو په برخه کې محصلینو ته تدریس، دا راز د اوزبیکي ژبې او ادبیاتو په برخه کې د تکړه ښوونکیو، مختصصو کادرونو، څېړونکو، ژباړونکو او لیکوالو د روزنې مسوولیت لري.

3. اساسي موخې:

په ټوله کې د اوزبیکي ژبې او ادبیاتو ډيپارټمنټونه موخه ټولنې ته د متخصصو، ژمنو او پر کار پوه کسانو وړاندې کول دي، څو له فراغت وروسته وکولای شي په لاندې برخو کې کار وکړي:

• د اوزبیکي ژبې او ادبیاتو د تدریس مسلکي وړتیا لرل؛
• د اوزبیکې ژبې او ادبیاتو په برخه کې د علمي تحقیقاتو وړتیا لرل؛
• د لیکوالۍ او ژباړې وړتیا لرل؛
• د اوزبیکې ژبې او ادبیاتو د علمي او مسلکي بډاینې وړتیا؛

ج. تحصیلي نصاب (تخصصي مضمونونه)