د لوړو زده کړو تحصیلي دریڅې ورکشاپ دایر شو
د «لوړو زده کړو تحصیلي دریڅه» تر عنوان لاندې یو ورځنی روزنيز ورکشاپ دایر شو.
دا تحصیلي دريڅه، د افغانستان د پوهنتونونو د استادانو لخوا د ثبت شویو درسي ویډیوګانو یو ځانګړی او مسلکي چوکاټ دی چې استادان کولای شي د دې له لارې له محصلینو سره یاد درسي مواد په اسانه شریک کړي. همدارنګه له دې لارې محصلين کولی شي چې له دې درسي موادو هر وخت او ځای استفاده وکړي.
دغه ورکشاپ د یاد چوکاټ له جوړښت او کاروونې سره د استادانو او اړوند مسؤلينو د عملي اشنایۍ په موخه د کابل پوهنتون علمي معاونیت د الکترونیکي زده کړو هیئت له لوري جوړ شوی و.
