د کرنیزو څېړنو د "تجربوي ډیزاین" ورکشاپ ترسره شو

د کرنیزو څېړنو د تجربوي ډیزاین تر عنوان لاندې درې ورځنی ورکشاپ د کابل پوهنتون د زراعت پوهنځي د مسلکي ټرینرانو له لوري ترسره شو.

په دې ورکشاپ کې د کرنیزو څېړنو پېژندنه، د بنسټیزو او تطبیقي څېړنو ارزښت، د تجربوي پلان جوړونه، د تجربوي څېړنو عناصر او اصول، د میخانیکي تېروتنو او سیالۍ اغېزې، د خاورې نیمګړتیا، د تجربوي پټیو نمونې اخیستل، سروې او د څېړنیزو
معلوماتو د بدلون ډولونه تر بحث لاندې ونیول شول.

همدارنګه په کې د احصائیوي آزموینو او تجربوي ډیزاینونو موضوعات؛ لکه t-test یو فکټوري، دوه فکټوري او درې فکټوري تجربې،  LS, RCBD, CRDسپلیټ پلاټ او سټرېپ پلاټ ډیزاینونه، د درملنو اوسطونو پرتله، ګډ تحلیل، د کوارینس تحلیل، خطي ریګریشن او همبستګي او د star سافټویر عملي کارونه شامل وو.

ياد ورکشاپ د کابل پوهنتون د علمي څېړنو معاونيت تر نظارت لاندې ترسره شو او په کې د هيواد د ٣٥ امارتي پوهنتونونو د زراعت پوهنځیو استادان ګډونوال وو.