" اوبه د اقلیمي عمل لپاره" تر عنوان لاندې کنفرانس دایر شو
د کابل پوهنتون د علمي څېړنو معاونیت له لورې "اوبه د اقليمي علمي لپاره" تر عنوان لاندې يو ورځنی څېړني کنفرانس ترسره شو.
په دې کنفرانس کې د پوهنتون د اړوندو څانګو د استادانو لخوا لس علمي-څېړنیزې مقالې وړاندې شوې، وړاندې شوې مقالې په اسلام کې د اوبو پر ارزښت او ساتنې، وچکالۍ، د اوبو تلپاتې مدیریت، د اقلیمي بدلون په خطرونو، له ځمکې لاندې اوبو، د اوبو د کمښت پر ستونزو، لاملونو او حللارو او نورو موضوعاتو راڅرخېدې.
یاد کنفرانس چې موخه یې د اقلیم په برخه کې شته ستونزو ته مناسبې حللارې پیداکول وو، د اوبو او انرژۍ وزارت، د کرنې او اوبو لګولو وزارت، دچاپیریال ساتنې ادارې استازو، د پولې تخنیک پوهنتون استادانو او د کابل پوهنتون استادانو او د اړوند پوهنځیو محصلينو ګډون درلود.
