د ریاضياتو پوهنځي د محصلینو لپاره مجهز کمپیوټر لب ګټې اخیستنې ته وسپارل شو
د کابل پوهنتون د ریاضياتو پوهنځي محصلینو ته د اړينو آسانتياوو د ايجاد په لړ کې، په نوې ټکنالوژۍ سمبال د پنځوسو په شاوخوا کې کمپیوټرونو درلودونکی مجهز کمپیوټر لب جوړ او ګټې اخیستنې ته وسپارل شو.
د کابل پوهنتون مالي او اداري چارو مرستيال حافظ عبیدالله عبیده په خپلو خبرو کې د یاد کمپیوټر لب پر فعالېدلو خوښي وښوده او د یاد پوهنځي استادانو او محصلینو ته یې د بشپړې همکارۍ ډاډ ورکړ.
د ریاضياتو پوهنځي رئیس پوهنمل ثمرالدین جبران د پوهنتون له رهبرۍ څخه مننه وکړه او دا کمپیوټر لب یې د عملي زده کړو او څېړنو لپاره خورا اړين وباله.
