د عامه اړیکو ډيپارټمنټ

الف. پېژندنه:

عامه اړیکې یو ستراتیزیک ارتباطی سیستم دی، چې د یوه سازمان او مخاطبانو ترمنخ پر متقابلو ګټو او دومدارپوهاوي ولاړې، اوږدمهالې ماناوالې اړیکې ټینګوي.

لرلید:

د عامه اړیکو ډيپارټمنټ؛ د اسلام مبارک دین د اصولو، د هېواد د کلتوري شرایطو او د عامه اړیکو د مسلکیتوب په پامنیوی، د افغانستان د دولتی او نادولتي سازمانونو لپاره د عامه اړیکو د اغېزمنو او ټولګټو پروژو په برخه کې د پلان او تګلار جوړونې او د پروژو د ترسره کونې په موخه په تحصیلي او څېړنیزو برخو کې د لیسانس او ماسټرۍ په کچه تخصصي پروګرامونه وړاندې کوي.

دنده:

د عامه اړیکو ډيپارټمنټ په خپله څلور کلنه تحصیلي دوره کې د رښتینیو، رغنده او پرانیستي مهارتونو په وړاندې کولو سره، په محصلینو کې د دې وړتیا پیدا کوي چې په دولتي او خصوصي مؤسسو کې د دوه اړخیزو ارتباطاتو په غښتلتیا کې خپل لارښوونېز او تخصصي مهارتونه پلې کړای شي.

شعار:

د عامه اړیکو ديپارټمنټ؛ د افغانستان په کچه د دوه اړخیز ارتباط لپاره یوازینی علمي او تخصصی مرکز.

ارزښتونه:

• غوره والی، درناوی، اړیکې او لېوالتیا
• احتیاج او خدمتونه
• ستراتیژیکه سلا او ګډ کار
• له ټکنالوجۍ ګټنه
• تنوع او د فرصتونو رامنځته کونه
• دوامداره پرمختیا
• رښتینوالی، درېدا، امانت ساتنه او جوتتیا
• برتری، احترام ، مناسبات و جذابیت
• ټولنیزوالی
• تحلیلي ارزونه

اصلي موخه:

د افغانستان د دولتي او نادولتي سازمانونو د مسلکي کونې او د ټولګټو پروژو د تګلارجوړونې، طرح او ترسرینې په برخه کې د مشورتي خدمتونو د وړاندې کولو لپاره د عامه اړیکو د متخصصو کادرونو روزنه او ورپېژندنه

فرعي موخې:

1. د عامه اړیکو فارغان به؛ د سازمان د فعالیتونو او مدیریت په برخه کې د خلکو، کارپوهانو او رسنیو د نظرونو او تحلیلونو د راټولونې او وړاندې کونې وړتیا ولري.
2. د عامه اړیکو فارغان به؛ د سازمان د مدیرانو او کارکوونکیو تر منځ د پوهاوي د روحیې د پياوړي کونې علمي وړتیا ولري.
3. د عامه اړیکو فارغان به، د سازمان د کړو وړو په اړه د عامه افکارو د روښانونې په موخه؛ پر وخت د اطلاع رسونې وړتیا ولري.
4. د عامه اړیکو فارغان به د کړکېچ د مخنیوي او د کړکېچ د مهال د ارتباطاتو د مدیریت وړتیا ولري.
5. د عامه اړیکو ډيپارټمنټ؛ د عامه اړیکو د محصلانو په روزنې سره په اقتصادي، ټولنیزو او سیاسي برخو کې د مسلکي ارتباطاتو بهیر بدای کوي.

متوقعه پایلې:

• د ټولنیز عدالت، انساني کرامت او ملي هویت د ساتنې په موخه د دیني، ملي او انساني ارزښتونو دودونه.
• د افغانستان د کار په بازار کې د عامه اړیکو د متخصصینو روزنه
• په دولتي او خصوصي سکټر او نادولتي مؤسسو کې د دوه اړخیز ارتباطات پرمختیا.
• په هېواد کې د څېړنې، نوښت او تالیف پراختیا

 ج. تخصصي مضمونونه