بیوشیمي- تغذیه ډيپارټمنټ
الف) پېژندنه:
دا ډيپارټمنټ د فارمسي پوهنځي یو له مهمو کلینیکي څانګو څخه ده. او تر ډېره د نورمال بیوشیمیکي اندکسونو او د بدن غړو ناروغیو مطالعې سره سرو کار لري.
ب) زدهکړیز موخې:
1. لیدلوری:
دا ډيپارټمنټ د لاندني اقداماتو له لارې د پوهې زیاتوالی، د ژوند د بنسټیزو میکانیزمونو په پوهېدو کې پرمختګ او د خلکو د ژوند کیفیت او حالت ښه کول دي:
- غوره تعلیمي پروګرامونه چې په ملي کچه او د نړیوالو وړتیاوو سره کادرونه فارغوي.
- د پروګرامونو پېژندل او پیاوړي کول، چې د مهمو موندنو لامل ګرځي.
- د مسلکي سرچینې په توګه د ساینسي، عملي او څیړنیزو خدمات ترسره کول
۲. ماموریتونه:
د دې څانګې ماموریت دا دی چې په روغتیا کې د حیاتي مالیکولونو او د تغذیې ټولې بنسټېزې جنبې مطالعه کړي. موږ تمه لرو چې زدهکړیالان او راتلونکي نسلونه مو د هېواد او نړۍ په کچه د غوره ظرفیتلرونکو متحصصینو څخه وي؛ د بیوشیمي او د مالیکولي-جنیټیک علمي ساحو ته پراختیا ورکړو، په داسې حال کې چې د ناروغانو لهپاره د تغذیې او مناسب خوراکي رژیم کیفیت هم زموږ له بنسټیزو ماموریتونو څخه دی. د فارمسي پوهنځي د موخو د پلي کېدو پهپار دا ډيپارټمنټ خپله ټوله هڅه کوي څو د بیوشیمي او تغذي علوم او پوهه عامه کړي.
د پورتني موخو د ترلاسي لهپاره دا ډيپارټمنټ لاندې ماموریتونه لري:
- د عصري درملتونونو په لور حرکت او ملي و نړيوال ستندردونو ته د ظرفیت لوړونه.
- د هېواد دننه او بهر علمي ټولنو سره اړیکه.
- د بیوشیمیکي بدلونو، میکانیزمونو، ناروغیو او د اغېزو مطالعه.
- د محصلینو او فارغینو د علمي ظرفیت لوړونې په موخه اړین اقدامات .
- په درملتون یا کلینیک کې پر ناروغ د درملو جانبي اغېز پلټنه.
- د ټولنې د اړتیاوو اړوند اړینې علمي مشورې او خدمات.
- د متخصیصونو روزنه څو د زده کړې، څېړنې او روغتیا په برخو کې خدمات وړاندې کړي.
۳. بنسټي موخې;
- د حجرو مالیکولي مکانیزم تشریح او پوهه.
- د میتابولیک د کنټرول او مکیانیزم د اساساتو تشریح او پوهه.
- له بایوکمیکل تجربو څخه د پایلو تر لاسه کولو لپاره لومړني او لابراتواري مهارتونو او وسایلو کارول.
- د ژوند ښه کولو په موخه د خوړو رژیم رامنځته کول.
- د خوړو د فعالیت او تجزیې په اړه توضیح او پوهول
- د روغتیا او تغذیې په برخو کې څېړنې کول.
ج) لابراتوار او زدهکړیز تجهیزات:
د بیوشیمي-تغذیې څانګې لابراتور په موډرنو وسایلو، لکه: بمکالوري متر، د ګربر آله، د رطوبت د ټاکلو داش، د ایرېجوړونې داش، سانتریفیوژ، د مقطر اوبو ماشین، ملک انالایزر، مایکروسکوپ، ریفرکتومتر، سپکتروفوتومتر، الکترو فورېز، هورمون انالایزر، ستنيز کروماتوګرافي، CBC analyzer او Micro hematocrit سمبال دی. په دې لابراتوار کې د زدهکړیالانو لهپار لانديني تجربې ترسره کېږي:
- په خوړو کې رطوبت، غوړ، ایره او پروتین معلومول.
- په شیدو کې د درغلیو معلومول.
- د غوړ ځانګړنې معلومول.
- د خوړو تازهګي معلومول.
- د ph معلومول.
- د خوړو انرژي معلومول.
- ساده بایو کیمیکل تجربې( کاربوهایدریتونه، غوړ او پروتینونه پېژندل).
- د وینې او ادرارو(بولو) کیمیاوي تجربه.
- د پښتورګو او صفرا کیسې د ډبرو تحلیل او ماتول.
- د وینې اندکس تعیین او ناروغیو تشخیص.