د معلوماتي تېکنالوژۍ ډيپارټمنټ

الف: د معلوماتي ټکنالوژۍ ډیپارټمنت پېژندنه

په تیرو پنځه ويشت کالونو کې ترسره شوي پرمختګونه ددې سبب شوي چې په کمپيوټر ساینس کې د مسلکي کسانو غوښتنه زیاته شوې ده، په نتیجه کې دا اړتیا احساس شوې ده چې د معلوماتي ټکنالوژۍ څانګې لپاره یو ځانګړی اکاډمیک پروګرام په پام کې ونیول شي. په دې ساحه کې د پام وړ وده سبب شوې ده چې په معلوماتي ټکنالوژۍ او مخابراتو څانګه کې مسلکي کسان وروزل شي. دا ګړندۍ وده د کمپيوټري شبکو، بېسیمه شبکو، د کاروونکو لپاره ګرافیکي چاپېریال، انټرنېټ، ویب پاڼې او تطبیقي پرګرامونو کې د ټکنالوژیکي پرمختګونو له امله رامنځته شوې ده. په داسې حال کې چې د کمپيوټر انجینري او کمپيوټر ساینس په څېر زده کړیز پرګرامونه د دې نویو میتودونو لپاره ځوابوي، خو د هغوی عمل کول په یادو شویو ساحو کې په ورو سره دي. په پایله کې، کارکوونکي دې ستونزې ته متوجه شوي او غوښتنه یې وکړه چې د دې څانګې فارغین نشي کولی په مستقیم ډول د هغوی اړتیاوې پوره کړي، نو اړینه ده چې نوي څانګې رامنځته شي ترڅو د دې غوښتنې ته ځواب وي. د مثال په توګه، د کمپيوټر ساینس او کمپيوټر انجینري څانګې ډېرۍ زده کړیز پرګرامونه د سیسټم مدیریت، د شبکو مدیریت په برخو کې د عملي مهارتونو زده کړې په ځانګړي او عملي تمرکز نه کوي، په داسې حال کې چې دا په ډېری ادارو کې یوه اړتیا ده ترڅو دا کسان وکړي چې د معلوماتي ټکنالوژۍ بنسټیز جوړښتونه اداره کړي. په همدې وخت کې، په ویب پاڼو پراختیا او انټرنېټ کې د نورو فرصتونو اړین مهارتونه بحث نه کیږي. او حتی د کمپيوټر ساینس په تیوریکي پرګرامونو کې د ډېر تیوریکي موضوعاتو او ډېر تمرکز له امله، د دې څانګې فارغین د مؤسسو د کارولو میتودونو په اړه کافي معلومات نلري او نشي کولی چې د کارونکي او سوداګریز اړخ له نظره اړین ملاتړ چمتو کړي. نن اقتصادې جوړښتونه او لوی، منځني او کوچني شرکتونه ډېره زیاته پر خپلو معلوماتي ټکنالوژۍ بنسټیزو جوړښتونو او د معلوماتي خوندیتوب پورې تړلي دي او علاقه لري چې دا بنسټیز جوړښتونه نور هم پیاوړي شي. د داسې مؤسسو لپاره د اعتماد وړ او خوندي شبکې چمتو کول د هغوی په سوداګرۍ کې د بریالیتوب یو بنسټیز فکتور ګڼل کېږي.

پورتنۍ ټولو مواردو ته په پام کې نیولو سره، د معلوماتي ټکنالوژۍ ډیپارټمنت د کمپيوټر ساینس پوهنځي په چوکاټ کې په ۱۳۸۸ کال کې د یو بنسټیز ډیپارټمنت په توګه رامنځته شو. د دې ډیپارټمنت دنده د دې څانګې مینه والو محصلینو لپاره لوړې، قوي او معیاري عالي تحصیلات چمتو کول دي، ترڅو هغوی په بریالیتوب سره د مسلکي پوهې، مهارتونو تحلیل او ادارو اړتیاو ته په کتو سره مناسب حل لارې چمتو او تطبیق کړي. په همدې وخت کې، دا ډیپارټمنت هڅه او کوشش کوي ترڅو د نړیوالو پوهنتونونو، نړیوالو شرکتونو سره اکاډمیک همکارۍ رامنځته کړي ترڅو د زده کړیز پروګرام ښه والی او معیاري کول پیاوړي کړي. د دې ډیپارټمنت زده کړیز پروګرام په داسې ډول ډیزاین شوی دی چې د افغانستان د نننۍ او راتلونکې اړتیاو ته ځواب ویلی شي.

ب: د معلوماتي ټکنالوژۍ ډیپارټمنت ليد

• د معلوماتي ټکنالوژۍ زده کړیزه پروګرام د منل شوي معیارونو پر بنسټ د کیفیت لرونکې، اغیزمنې او موثري زده کړې وړاندې کولو له لارې په داخلي، سیمه ایزه او نړیواله کچه د یوې عالي شهرت رامنځته کول؛

• د هغو فارغینو تولید چې کولی شي د معلوماتي ټکنالوژۍ د محلي اړتیاو او راتلونکو لیدونو، مهارتونو او د معلوماتي ټکنالوژۍ د مسلکي اړتیاو په پام کې نیولو سره په داخلي او سیمه ایزه کچه د معلوماتي ټکنالوژۍ د معیاري زده کړیزې پروګرام پر بنسټ پوره کړي؛

• د نړیوالو څیړنیزو ټولنو یوه برخه کیدل او په کمپيوټر ساینس کې فعاله ګډون او د افغانستان د کمپيوټر پوهانو ترمنځ د څیړنې او نوښت ته وده ورکول.

ت: د معلوماتي ټکنالوژۍ ډیپارټمنت دنده

• د معلوماتي ټکنالوژۍ د زده کړې معیارونو او په بشپړه توګه منل شوي (ACM / IEEE IT2017)  زده کړیز پروګرام او د بریالیتوب مسلکي لارښوونو سره سم د لوړ مهارت لرونکو محصلینو فارغول په افغانستان کې د اړتیاو او کار بازار په پام کې نیولو سره.

• د زده کړې چاپېریال چمتو کول چې محصلینو سره مرسته وکړي ترڅو مسلکي، څیړنیز، رهبرۍ، د ستونزې حل کولو، دوامداره زده کړې او د نوښت مهارتونه زده کړي.

• په معلوماتي ټکنالوژۍ برخه کې د هغو فارغینو روزنه چې اړین مسلکي مهارتونه ولري ترڅو ټکنالوژیکي حل لارې او بنسټیز جوړښتونه وړاندې، پلان ، ډیزاین ، جوړ، پراخه، اداره ، ساتنه او خوندي کړي چې کولی شي افغانستان سره د روښانه، اعتماد وړ، قوي، دوامداره او ارزانه سیستمونو په جوړولو کې مرسته وکړي.

• د معلوماتي ټکنالوژۍ نظري او عملي علوم وړاندې کول چې کولی شي د فارغینو ګډون د دوی د علم د کارولو له لارې د افغانستان د ګټو لپاره په څو اړخیزو څیړنیزو پروژو کې ملاتړ او تضمین کړي.

• محصلینوته زده کړه ورکول ترڅو نوي ټکنالوژۍ یوځای کړي، د کاروونکي تجربه ښه کړي او تولید زیات کړي.

• محصلین د نویو ټکنالوژیو او راڅرګندیدونکو وسایلو په کارولو سره پراخول چې په هاردویر، سافټویر او مجازی کولو اړخ کې پېچلي ستونزې حل کړي.

• د افغانستان کار بازار لپاره د معلوماتي ټکنالوژۍ کارپوهانو برابرول او د بهرنیو کارپوهانو پر تکیه کولو مخنیوی.

• د هغو فارغینو روزنه چې د ډېټا او سیستم تحلیل کولو، مستند کولو او د معلوماتي ټکنالوژۍ سیستمونو د ډیزاین کولو وړتیا ولري.

• د هغو فارغینو روزنه چې د معلوماتي ټکنالوژۍ پروژې پیل، پلان ، تطبیق، ارزونې او بشپړولو وړتیا ولري.

• د فارغینو لپاره اړینه زمینه برابره کول ترڅو خپل لوړ تحصیلات په معلوماتي ټکنالوژۍ برخه کې په داخلي او نړیوالو پوهنتونونو کې ادامه ورکړي.

ث: د معلوماتي ټکنالوژۍ ډیپارټمنت د زده کړې موخې

د دې ډیپارټمنت اصلي موخه په معلوماتي ټکنالوژۍ او مخابراتو څانګه کې د مسلکي کادرونو روزنه ده. د دې ډیپارټمنت زده کړیز پروګرام هم په همدې موخې تمرکز کوي او د زده کړیزې پروګرام د ډیزاین مرکزي محور د همدې موخې سره سمون لري. هغه کسان چې له دې ډیپارټمنت څخه فارغېږي، کولی شي په مختلفو مؤسسو کې د مسلکي کسانو او متخصصینو په توګه د سیستم مدیران، د شبکې مدیران، د شبکې انجینران، د شبکې متخصصین، د شبکې د امنیت متخصصین، د معلوماتي ټکنالوژۍ ډیپارټمنت مسئولین، د معلوماتي ټکنالوژۍ او مخابراتو مشاورینو په توګه دنده ترسره کړي.

ج: د معلوماتي ټکنالوژۍ ډیپارټمنت اصلي يا ستراتیژیکې موخې

د معلوماتي ټکنالوژۍ دیپارتمنت درسي نصاب د افغانستان د کار بازار د اړتیاوو په پام کې نیولو سره، او د لوړو زده کړو محترم وزارت د درسي نصاب ریاست د درې پړاوونو کلسترونو له مخې ترتیب او عیار شوې ده. په دې بهیر کې د هېواد اوسني او د څو راتلونکو کلونو اړتیاوې هم د همدې برخې د متخصصینو لپاره په نظر کې نیول شوې دي. نو معلوماتي ټکنالوژۍ ډیپارټمنت د خپل ډیپارټمنت، د کمپيوټر ساینس پوهنځي، د کابل پوهنتون او د عالي تحصیلاتو وزارت، د مخابراتو او معلوماتي ټکنالوژۍ وزارت اکادمیکي موخو په پام کې نیولو سره خپل زده کړیز پروګرام طرح او ډیزاین کړی دی ترڅو د ملک ټولې اړتیاوې تر هغه حده چې امکان لري، په پام کې ونیسي.

د نړۍ نورو هیوادونو تجربې او مطالعات ښیي چې په معلوماتي ټکنالوژۍ څانګه کې د مسلکي کسانو اړتیا ورځ په ورځ زیاتېږي. د افغانستان په څېر ملکونه چې په ډېرې ګړندۍ پراختیا کې دي او هڅه کوي چې نوي ټکنالوژۍ ومني او هغه د امارتي او خصوصي ادارو د کارولو سیستم برخه کړي، ترڅو چې اغیزمن برېښنایي خدمات وړاندې کړي، په دې څانګه کې د مسلکي کسانو او متخصصینو اړتیا نوره هم زیاتوي. اوس ځینې امارتي او خصوصي ادارې د معلوماتي ټکنالوژۍ متخصصین له نورو هیوادونو څخه په کار ګماري ترڅو د هغوی د ادارو کمپيوټري سیسټمونو ډیزاین، تطبیق، ساتنه، اداره او ساتنه وکړي. د دې حقیقت په پام کې نیولو سره، د کمپيوټر ساینس پوهنځي د معلوماتي ټکنالوژۍ ډیپارټمنت وروستۍ هڅې ترسره کړې دي، ترڅو یو درسي نصاب ډیزاین او تطبیق کړي چې د محلي ادارو اړتیاو ته ځواب ويونکی وي. په پایله کې، نن د دې ډیپارټمنت او پوهنځي ډېرۍ فارغین په ډېریو امارتي او خصوصي ادارو کې دنده ترسره کوي، او د بهرنیو متخصصینو د راوستلو او ګمارلو اړتیا یې کمه کړې ده، او د اوسني بیا کتل شوي پروګرام د تطبیق سره د ملک راتلونکې اړتیا به نوره هم پوره شي او د دې څانګې د افغان فارغینو لپاره د کار ښه فرصتونه برابروي، او همدارنګه دا عمل به د افغانستان اقتصاد او کار بازار کې لویه اغیزه ولري.