د نړيوالو اړيکو ډيپارټمنټ

د ډیپارټمنټ لیدلوری:

د نړیوالو اړيکو او سیاسي علومو دیپارتمنت د یو ډېر پخواني دیپارتمنت په توګه چې د ټولنې اړتیاوو ته ځواب ورکوونکی وي او د نورو ورته ادارو په منځ کې د زده کړو، د علم تولید، پراختیا او د خدمتونو د وړاندې کولو په برخه کې د هېواد پرمختګ لپاره پېژندل شوی وي او ددغه ديپارتمنت امکانات، د علمي کادر غړي، محصلين او څېړونکي په ټولنه کې تر ټولو غوره او بهتر وي.

د ډیپارټمنټ ماموریت:

د سیاسي علومو او نړیوالو اړیکو ديپارتمنت د مسلکي، کارپوه، نوښتګر او با استعداده پرسونل د روزنې او پیاوړتیا لپاره د وړ چاپېریال د رامنځته کولو په موخه، د هېواد د علمي چارو نورو ادارو سره سم د زده کړو او څېړنو د کیفیت او کمیت د ښه والي په موخه فعاليت کوي. د هیواد وقار او علمي دریځ او د اړیکو رامینځته کولو په دوام ترڅو اړتیاوې او ننګونې وپیژندل شي او د وړتیاوو په ودې سره حلارې وړاندې کړي. دغه ديپارتمنت د لوړتيا لرونکو استادانو او کارکوونکو په ګدون، د عصري تکنالوژۍ او اسانتیاوو په کارولو سره، د پوهو او مهارتونو په لټه کې د وړ کادرونو د جذبولو لپاره د مناسبو شرایطو په برابرولو سره جوړ شوی دی.

د نړیوالو اړيکو او سیاسي علومو دیپارتمنت د لیسانس په سطحه محصلينو ته د سیاسي علومو او نړیوالو اړيکو په رشتو کې او د ماسترۍ په سطحه په د دیپلوماسۍ په رشتو کې زده کړې وړاندې کوي چې خپل فعالیتونه یې د تحصیلي برنامو په تولید، پراختیا او د علم په وړاندې کولو سره د ملي موخو پر بنسټ ځانګړي کړی دي چې اصلي مأموریت يې په لاندې ډول دی:

• متخصص، ژمن او مسؤلیت منوونکی بشري ځواک روزلو په موخه  زده کړی، ترڅو په دولتي او نادولتي بېلابېلو سطحو کې د بشری ځواک اړتیاوې پوره شي.

• د پوهې د وړاندې کولو په موخه  د دیپارتمنت څېړنیز او اکاډمیک ماموریت پراختیا او د ټولنې اړتیاوو ته ځواب ورکول او د ټولنې د چارو د ښه والي لپاره اغېزمن علمي وړانديزونه کول.

• د زده کړو د څرنګوالي ښه والی.

• دولتي او نادولتي ارګانونو سره همکاري او د څېړنیزو فعالیتونو د کیفیت ښه والی  او پرمختګ.

• په کورنیو او نړیوالو سطحو کې د علمی همکاریو چټکتيا.

د ډیپارټمنټ موخې:

الف – عمومي موخې:

• د باکیفیته زده کړو د وړاندې کولو لپاره د څېړنو او زده کړو وړ چاپېریال برابرول؛

• د نړیوالو اړیکو له سیاستونو سره علمي پېژندګلوي پیدا کول؛

• د ځوانانو د فکري او ذهنی وړتیاوو لوړول؛

• د علمي تحلیل او شننې په برخه کې د استعدادونو د وړتیاوو زیاتوال؛

• د ټولنې لپاره د مسلکي او متخصصه بشري ځواک روزل؛

• لوړو زده کړو ته د دننه کېدو په پار محصلينو ته د زمینې برابرول؛

ب –اجرائیوي موخې:

• د لاسته راوړلو لپاره، نړيوالو اړيکو او سیاسي علومو دیپارتمنت د(۱۳۹۶) هـ ل کال په پیل کې د فارغو محصلينو ديپارتمنت نوم خپل کړ، په همدې موخه د نوی زده کړه ييز نصاب رامنځته کول یې د لومړنيو کارونو څخه دي.

• د دې دیپارتمنت اړوند مضمونونو مسلکي او تخصصي علمي اړتياموندنه چې د درسي نصاب شامله وي، په پوهنځي کې د نوي مضمونونه د تدریس په موخه په درسي نصاب کې د پړاونو تر سره کولو لپاره وړانديز شوې ده.

• د دیپارتمنت مضمونونه د لکچرنوټ په بڼه او د شونتيا اړوند د درسي کتابونو په بڼه ترتیب او وړاندې کول.

• بېلابېلو کورنیو او بهرنیو پروګرامونو سره د دې دیپارتمنت د استادانو د مسلکي زده کړو د پراختیا په پار د ظرفیت سطحې لوړول.

• د هېواد دننه او بهر کې د ماسترۍ او دوکتورا په سطحه د استادانو د زده کړو لپاره د زمینې برابرول.

• دیپارتمنت په مډرنو وسایلو (کمپیوټر، کاپير، پرنټر او انټرنټ) سره تيارول.

• دیپارتمنت په معتبرو علمي کتابونو تيارول ترڅو استادان له يادو کتابونو د ديپارتمنت اړوند مضمونونو په تدریس کې اغېزمنه ګټه واخلي.

د سياسي علومو او نړيوالو اړيکو ډېپارټمنټ د علمي کادر غړو نوملړ:

د سیاسي علومو او نړیوالو اړیکو ډیپارټمنټ مضمونونو نوملړ: