د سینما ډيپارټمنټ
الف پیژندنه
د تياتر او سينما ډيپارټمنټ د استادانو د هڅو په پايله کې د سينما ډيپارټمنټ په خپلواکه توګه د ښکلو هنرونو د پوهنځي په چوکاټ کې د لوړو زده کړو وزارت د علمي چارو ریاست د ١٣٨٧ کال د ٤٣٣٠/٣٣٦٧ نېټې د ١١/٣٠/١٣٨٧ نېټې د فرمان له مخې جوړه شوه. او لومړی نصاب یې چمتو شو.
د سينما د ډيپارټمنټ د لومړي دور محصلین چې شمېر يې شلو تنو ته رسېده، د تياتر او سينما له دويم ټولګي څخه جلا او په خپلواک ډول يې د سينما ټولګيو ته مخه کړه. په دې ډيپارټمنټ کې درسي نصاب داسې ترتیب شوی چې په لومړي او دوهم کال کې د سینما اساسات او تیوري تدریسیږي او د درېیم او څلورم کال محصلین په ګروپونو ویشل کیږي او په حقیقت کې د استادانو تر څارنې لاندې فلمونه جوړوي. د تعلیمي کال په پای کې، محصلین اړ دي چې د خپل ډیپلوم د دفاع لپاره یو لنډ فلم جوړ کړي.
د سینما ډيپارټمنټ د نصاب له مخې چې د لوړو زده کړو وزارت د محترم مقام له خوا تصویب شوی، محصلینو ته داسې موضوعات تدریس کېږي چې له فراغت وروسته به په ټولنه کې د ښه کار زمینه ورته برابره کړي. د دې ډيپارټمنټ فارغان په ډله ایزو رسنیو لکه تلویزیوني چینلونو، راډیوګانو، پرډکشنونو او ټولنیزو رسنیو کې کار کوي.
ب زده کړه یزې موخې
1. لید لوری
د سینما ډيپارټمنټ د ښکلو هنرونو د پوهنځي په چوکاټ کې کار کوي د یو متفکر او مسلکي نسل او د سینمایي او اساسي مضامینو د را منځته کولو په موخه د ښکلو هنرونو د پوهنځي په چوکاټ کې کار کوي، دا ډيپارټمنټ د سینماګرافي ، کارګردانۍ، فلم لیکنې، د سینما د تیورۍ او تدوین په برخو کې د مسلکي متخصصینو د روزنې په برخه کې د سینمايي اثارو د کمي او کیفي کچې د لوړولو په موخه هڅه کوي او د دې ډيپارټمنټ روزل شوې طبقه د هدف لرونکو متخصصینو په توګه د دې خاورې د کلتوري، دیني او ملي پېژندنه او منعکسولو کې لویه ونډه لري.
2. ماموریت
- د سینما په سکتور کې د مسلکي او وړ متخصصینو روزنه.
- په افغانستان کې د سینما ښوونیزو خدمتونو معیاري کول.
- سینما ډيپارټمنټ له کمي او کیفي اړخه د یوې معتبرې ادارې په توګه د سینمایي اعتبار په درلودو سره په ملي او نړیواله کچه معرفي کول.
- د هیواد په لوی کلتوري مدیریت کې برخه اخیستل، د فلم جوړولو له لارې د ملي او اسلامي کلتور او ارزښتونو پراختیا او پیاوړتیا.
3. اساسي موخې
لکه څنګه چې زموږ ټولنه د سینمایي فلمونو د جوړولو او خپرولو، او تلویزیوني خپرونو لپاره خوځنده بشري ځواک ته اړتیا لري نو ددې ځواک د روزولو لپاره د سینما هنر په چوکاټ کې د روزلو ضروروت لیدل کېږي، دې ته په کتو سره چې په افغانستان کې ډېرې هنري تحصیلي سرچینې نشته نو د دې اړتیاوو پوره کول هم څه نا څه ګران دي، د سینما ډيپارټمنټ په برخه کې د فلم جوړونې، کارګردانۍ او کیسه یزو او مستندو فلمونو د جوړل د محصلینو لپاره اهمیت لري. څو د دې ډيپارټمنټ محصلین اسلامي ټولنې، افغاني فرهنګ او خلکو ته په ژمنتیا او احساس سره د اړتیا وړ تخصص لکه، فلنامه لیکلو، کارګردانۍ او انځور ګرۍ په برخو لپاره هڅه وکړي او دا لارې چارې ورته برابرې شي.
ج. توامیتونه
د ۲۰۱۷ کال په پسرلي کې د سینما ریاست د افغان فلم له ریاست سره د پنځه کلنې همکارۍ تړون لاسلیک کړ.
- له ګویته انسټیټیوټ سره د تفاهم لیک لاسلیک.
- له نما رسنۍ سره د تفاهم لیک لاسلیک.
- له رویا فلم سره د تفاهم لیک لاسلیک.
- د هنر له اکاډمۍ د همکارۍ د تفاهم لیک لاسلیک.
د. لابراتوار او زده کړه یز توکي
- مجهز ه د فلم ایډیټینګ سټوډیو.
- د فلمونو نندارې او د محصلینو د فلم فیستیوالونو د ترسره کولو لپاره سمبال سینما هال.
هـ . تحصیلي نصاب (ځانګړي مضامین)
|
ګڼه |
د مضامینو نومونه |
کود نمبر |
کريډيټ |
ګڼه |
د مضامینو نومونه |
کود نمبر |
کريډيټ |
|
۱ |
د فلم کارګرداني |
01 C |
27 |
۶ |
د فلم طراحي (د کیسې بورد) |
06 C |
2 |
|
۲ |
د فلم نامې لیکل |
02 C |
6 |
۷ |
د سینما تاریخ |
07 C |
6 |
|
۳ |
سینماتوگرافی |
03 C |
5 |
۸ |
د فلم تحلیل |
08 C |
6 |
|
۴ |
په سینما کې غږ |
04 C |
4 |
۹ |
د تلویزیوني خپرونو کارګرداني |
09 C |
8 |
|
۵ |
د فلم تدوین |
05 C |
6 |
|
|
|
|