د تضمین کیفیت آمریت

دا امريت پر ۱۳۹۱ هـ لمریز د کابل پوهنتون پر تشکيل ورزيات شو، چې هممهاله ورسره د کيفيت لوړونې کمېټه هم جوړه شوه. د دې امريت چارې دا دي: له رييس، مرستيالانو او د پوهنځيو له رييسانو سره په مشوره د پوهنځيو د علمي او تدريسي چارو څار او کنترول، اړوندې سرچينې ته د نورو اجراآتو لپاره د کيفيت د لوړولو د کمېټې د مکتوبونو او پرېکړو استول. همدا ډول نورې دندې چې کيفيت د کنترول په موخه د خپل امر له خوا ورکول کېږي. د کيفيت د تضمين امريت له هر پوهنځي نه د يو يو استازي په لرلو سره ۲۲ غړي لري.