په کابل پوهنتون کې د لوړو زده کړو پیاوړتیا ملي کنفرانس پای ته ورسېد

tariq_admin
شنبه ۱۴۰۱/۱۲/۶ - ۱۵:۳۹
555

د لوړو زده کړو پیاوړتیا ملي کنفرانس چې د روان کال کب میاشتې په دوهمه نیټه کابل پوهنتون کې پیل شوی وو او د ټول هیواد له دولتي او خصوصي پوهنتونو څخه له ۹۰۰ څخه زیاتو استادانو پکې برخه اخیستې وه، د هیواد تحصیلي نظام د پیاوړتیا په موخه د وروستیو وړاندیزونو  په مطرح کولو د کب میاشتې په ۴مه نېټه د پنجشنبې په ورځ پای ته ورسېد.

نوموړی ملي کنفرانس د کابل پوهنتون رهبرۍ لخوا په لاره اچول شوی وو ، چې د دولتي او خصوصي پوهنتونو استادانو لخوا ګډونوالو ته د هیواد د تحصیلي سیستم پیاوړتیا ته د پاملرنې په موخه ۲۵ بیلا بیلې علمي او څیړنیزې مقالې وړاندې او همدارنګه ۱۸ نورې مقالې له غوره کیدو ورسته چاپ شوې دي.

د کابل پوهنتون رئيس ښاغلي دکتور اسامه عزيز په آرامه فضا کې د دغه کنفرانس په بريالي او علمي ترسره کېدو خوښي څرګنده کړه او پدې کنفرانس کې يې تر سره شوي بحثونه رغنده او ګټور وبلل. دکتور عزيز زياته کړه، چې د دغه کنفرانس پايلې به د يوه وړانديز په بڼه له لوړو زده کړو وزارت سره شريکې کړي. هغه زیاته کړه، پدې کنفرانس کې د هېواد د تحصیلي نظام پیاوړتیا لپاره مهم علمي مسایل په نظري بڼه مطرح شوي او هیله لرو چې دغه مسایل عملي بڼه هم پیدا کړي.

وروسته د لوړو زده کړو وزارت علمي مرستیال ښاغلي لطف الله خیرخواه د هیواد د تحصیلاتو د تاریخ په اړه خبرو کې وویل:(( د هیواد استادان او متخصصان دنده لري، چې د تحصیلي نظام د پیاوړتیا لپاره مخکې له وخته زیاتې هڅې وکړي، همدارنګه ژمنه یې وکړه، چې د لوړو زده کړو  وزارت رهبري د یاد کنفرانس د وروستیو وړاندیزونو څخه ملاتړ کوي او د هغه د عملي کولو لپاره به تر خپلې وسې پوره هڅې وکړي.))

دیادونې ده، چې دې ډول علمي کنفرانسونو لړۍ به دهیواد په ټولو پوهنتونو کې ادامه ولري او په پام کې ده، چې په نږدې راتلونکې کې به د خوست شیخ زاهد پوهنتون لخوا  هم علمي کنفرانس دایر شي.

د نوموړي کنفرانس په ورستۍ برخه کې هغه استادان چې علمي مقالې یې وړاندې کړې، هغه اشخاص او مسؤلین چې د یاد کنفرانس په دایریدو کې پوره هڅې کړې وې، د تقدیرنامو په ورکولو د هغوی له کړنو او هڅو ستاینه وشوه.

تازه خبرونه

سه‌شنبه ۱۴۰۵/۸/۱۹ - ۱۰:۱۹
Background image

د کابل پوهنتون د پنځه کلن ستراتیژیک پلان د تدوین په موخه مشورتي غونډه ترسره شوه

د کابل پوهنتون د پلان او پالیسۍ امریت له لوري د پوهنتون د پنځه کلن ستراتیژیک پلان د تدوین په موخه، د اړوندو ادارو د استازو په ګډون مشورتي غونډه ترسره شوه.

په دې غونډه کې د کابل پوهنتون. . .

یکشنبه ۱۴۰۵/۸/۱۷ - ۱۰:۰
Background image

د زراعتي سوداګریزو پروپوزلونو لیکلو ورکشاپ په انلاین بڼه ترسره شو

د کابل پوهنتون د کرنې پوهنځي له لوري د هېواد د ۲۸ پوهنتونونو د زراعت پوهنځیو منتخبو محصلینو ته د زراعتي سوداګریزو پروپوزلونو لیکلو درې ساعته انلاین ورکشاپ ترسره شو.

دغه ورکشاپ د کرنې. . .

پنجشنبه ۱۴۰۵/۸/۱۴ - ۱۰:۸
Background image

د حفظ الصحې اړوند سیمینار دایر شو

د کابل پوهنتون د کارکوونکو  چارو آمریت له لوري د پوهنتون ټولو اداري کارمندانو لپاره د حفظ الصحې، د ساري ناروغیو د مخنیوي، روغتیا ساتنې او لومړنیو مرستو تر سرلیک لاندې یوه ورځنی ښوونیز. . .

BACK TO NEWS

گالری رسانه

د کابل پوهنتون ۲۰۹۶ محصلین د لیسانس په کچه فارغ شول

له فتحې وروسته د کابل پوهنتون پرمختګونه!

په کابل پوهنتون کې د افغانستان معلوماتو مرکز ویډیويي راپور:

د کابل پوهنتون انجنیري پوهنځی

د ا.ا.ا د ریاست الوزرا اداري مرستیال مولوي عبدالسلام حنفي صاحب وینا:

د کابل پوهنتون محصلینو په فراغتغونډه کې د ریاست الوزراء سیاسي مرستیال مولوي عبدالکبیر صاحب:

د کابل پوهنتون له ۲۲ ویشت پوهنځیو څخه ۲۳۰۸ تنه محصلین د لیسانس په کچه فارغ شول نور حال په راپور کې

د کابل پوهنتون کیمیا پوهنځی د فعالیتونو او لاسته راوړنو چمتو شوی ویډیویي راپور دلته کتلی شئ.

د کابل پوهنتون وترنري علومو پوهنځۍ: د زیاتو معلوماتو لپاره لاندې ویډیويي راپور وګورئ.

د کابل پوهنتون د فزیک پوهنځي په تاریخچې، لاسته راوړونو او راتلوونکو پلانونو په اړه ځانګړی راپور:

په کابل پوهنتون کې د تېرې اسد میاشتې په لړ کې د ترسره شویو فعالیتونو اړوند لنډ راپور. 

د فارمسي پوهنځي له رئیس دوکتور آقا محمد ژکفر سره د یاد پوهنځي په لاسته راوړنو او عمومي وضعیت ځانګړې مرکه: