د سولې دودولو لپاره د کابل پوهنتون د محصلینو د وړتیاوو لوړولو ورکشاپ جوړ شو
د سولې کلتور دودولو په هکله د کابل پوهنتون د محصلینو وړتیاوو لوړولو ورکشاپ د روان کال د زمري په ۵ د دوشنبې په ورځ د کابل پوهنتون د یو شمېر پوهنځیو محصلینو په ګډون جوړ شو.
دا ورکشاپ د کابل پوهنتون د محصلینو چارو معاونیت په همکاري د سولې لپاره د زده کړې او څېړنې موسسې له لوري جوړ شوی دی. پدې ورکشاپ کې د سولې، کړکېچ، تاوتریخوالي او په هیواد کې د سولې زده کړې کلتور دودولو په برخه کې ګډون کوونکو ته زده کړه ورکول کیږي. پدې ورکشاپ کې هڅه کیږي تر څو ګډونکوونکو ته په هیواد کې د سولې کلتور زده کړې ګټې او ښېګڼې زده او نور ورته وهڅوي. دا ورکشاپ د لسو ورځو لپاره دوام کوي او د مختلفو پوهنځيو ۲۰ تنه محصلینو پکې کړی دی.
د ورکشاپ په پای کې د شلو ګډون کوونکو له ډلې څخه لس تنه د غوره محصلینو په توګه ټاکل کیږي تر څو راتلونکو مرحلو لپاره په هیواد کې د سولې کلتور دودولو لپاره زیات وروزل شي. په افغانستان کې د سولې کلتور دودولو برنامه د اروپايي اتحادیې او نورو بنسټونو له لوري ملاتړ کیږي او په کابل او ننګرهار پوهنتونونو کې پلې کیږي.
