په کابل پوهنتون کې د نیالګیو ایښودو بهیر پیل شو
د روان ۱۳۹۹ د کب په ۱۱ د دوشنبې په ورځ په کابل پوهنتون کې د نیالګیو ایښودو بهیر د پوهنتون د رییس او محصلینو چارو مرستیال، د خدماتو امر او د سرسبزي د برخې کارمندانو له لوري د دې علمي بنسټ په چاپېریال کې ۸۰ زینتي نیالګیو په ایښودلو سره پیل شو.
د دې بهیر په لومړۍ ورځ د ۸۰ په شاوخوا کې د ناجو او نور زینتي نیالګي د پوهنتون په ځینو باغچو کې د کابل پوهنتون د رییس پوهاند محمد عثمان بابري، د محصلینو چارو معاونیت او د خدماتي برخو همکارانو له لوري کېښودل شول او په راتلونکو ورځو کې د کرنې، اوبولګولو او مالداري وزارت په همکاري د ۱۰۰۰ په شاوخوا کې نور نیالګي هم د پوهنتون په مختلفو برخو کې د کابل پوهنتون د لا زرغونتیا اوچاپېریال ساتنې په موخه کېښودل شي.
