په کابل پوهنتون د رواني روغتیا نړۍ واله ورځ ولمانځل شوه

Abdul Hai Alamyar
پنجشنبه ۱۳۹۹/۷/۲۴ - ۹:۵۳
البل

په کابل پوهنتون کې د رواني روغتیا نړۍ واله ورځ، چې د اکتوبر لسمه او د روان لمریز کال د تلې میاشتې له ۱۹ نېټې سره برابره ده، د یوې غونډې په لړ کې ولمانځله.

دا غونډه د روان کال د تلې میاشتې په ۲۰نېټه د کابل پوهنتون د مشاورې او رواني درمنلې مرکز مسوولانو له لوري د دې مرکز د غونډو په تالار کې د کابل پوهنتون رییس پوهاند دکتور محمد عثمان بابري، د ارواپوهنې او روزنیزو علومو پوهنځي رییس، د دې پوهنځي استادانو، د کابل پوهنتون  مشاورې او رواني درملنې مرکز مسوولانو او استادانو، د یو شمېر محصلینو او رسنیو استاذو په ګډون جوړه شوې وه.

د کابل پوهنتون رییس پوهاند دکتور محمد عثمان بابري، د ارواپوهنې او روزنیزو علومو پوهنځي رییس پوهنوال ستارالدین صدیقي، د دې پوهنځي د مشاورې او رواني څانګې مرستیالې پوهنملې مریم احمدي، د ارواپوهنې څانګې آمر پوهندوی ذبیح الله صدیقي او د کابل پوهنتون د مشاورې او رواني درملنې مرکز مسوول او ارواپوه استاد نعمت الله شاداب پدې غونډه کې خبرې وکړې او د دې برنامې ګډون کوونکو ته یې د ښه راغلاست ترڅنګ هر یوه د دې غونډې په جوړېدوخوښي وښوده او په رواني اختلالاتو د افغانانو د اخته کېدو اندازه او د هغو حل لارې، د رواني روغتیا نشتوالي اغیزې، په کابل پوهنتون او د هیواد په نورو پوهنتونونو کې د رواني مشاورې مرکز اهمیت او اړتیا او د دې مرکز ارتقا، د ټولنې په روغتیايي روان باندې د کووید۱۹ ویروس اغېزې، د کابل پوهنتون د مشاورې او رواني درملنې مرکز رول او دندې او ... په موضوعاتو یې خبرې وکړې او تر پخوا یې د دې مرکز په پیاوړتیا تاکید او خبرې وکړې.

نوې شمېرې ښيي، چې په ټوله نړۍ په ځانګړې توګه په افغانستان کې د رواني روغتیا د حرکت وضعیت د اندېښنې وړ دی. په وروستیو کلنو کې د رواني اختلالاتو زیاتوالي ځانته د روغتیا د برخې پاملرنه اړولې ده او په کموالي کې یې زیاتې هڅې شوي دي، چې پدې کې د کابل پوهنتون د رواني درملنې او مشاورې مرکز له خپل تاسیس د ۱۳۹۸ کال د وږي میاشت نه تر اوسه دمحصلینو لپاره د مشاورې او رواني درملنې خدمتونه، د اروا پوهنې اړوندو محصلینو پوهې او ظرفیت لوړولو په برخه کې د سمینارونو او ورکشاپونو جوړول، د ارواپوهنې پوهنځي محصلینو لپاره د مهارتونو ورزده کول، انفرادي او ګروپي مشورې ورکول، د مطالعې برنامې او ... په برخه کې هڅې کړي دي.

دا  برنامه، چې د سهار په ۱۰ په لسو بجو پیل او د غرمې په ۱۲ بجو هیواد ته د خیر او کامیابي په دعا کولو سره پای ته ورسېده.

تازه خبرونه

شنبه ۱۳۹۹/۸/۳ - ۱۶:۲۰
Background image

د کابل پوهنتون د ۱۳۹۹ کال نوي شامېلېدونکو محصلینو نوملیکنه پیل شوه

د کابل پوهنتون د ۱۳۹۹ کال نوي شامېلېدونکو محصلینو نوملیکنه (HEMIS) د ریاست مقام د لارښوونې او د پوهنتون د علمي شورا د پرېکړې پربنسټ د روان ۱۳۹۹ کال د لړم میاشتې په ۳ نېټه د کابل. . .

پنجشنبه ۱۳۹۹/۷/۲۴ - ۹:۵۳
Background image

په کابل پوهنتون د رواني روغتیا نړۍ واله ورځ ولمانځل شوه

په کابل پوهنتون کې د رواني روغتیا نړۍ واله ورځ، چې د اکتوبر لسمه او د روان لمریز کال د تلې میاشتې له ۱۹ نېټې سره برابره ده، د یوې غونډې په لړ کې ولمانځله.

دا غونډه د روان کال د تلې. . .

شنبه ۱۳۹۹/۷/۱۹ - ۱۶:۹
Background image

د کابل پوهنتون لپاره د بدلون برنامه د پوهنتون په رهبري شورا کې پرانیستل شوه

د کابل پوهنتون د بدلون برنامه د روان کال د تلې میاشتې په ۱۴ نېټه د دوشنبې په ورځ د لوړو زده کړو وزارت علمي مرستیال پوهنمل عبدالتواب بالاکرزي، د دې وزارت د مرکزي ادارو یو شمېر رییسانو،. . .

BACK TO NEWS