په کابل پوهنتون او نورو پوهنتونونو کې د بزنس انکیوبیتر سنټر جوړېدو په اړه تحلیلي ورکشاپ جوړ شو

Abdul Hai Alamyar
دوشنبه ۱۳۹۹/۱۰/۱۵ - ۱۶:۱۷
ku

د روان کال د مرغومي په ۱۴ نېټه د بزنس انکیوبیټر سنټر د جوړېدو په هکله مشورتي ناسته د لوړو زده کړو وزارت علمي مرستیال، د کابل پوهنتون رییس او علمي او د محصلینو چارو مرستیالانو، د اترا ادارې، د مخابراتو او معلوماتي ټکنالوژي وزارت، د سوداګري او صنایعو وزارت او د کابل طبي پوهنتون استازو، د کابل پوهنتون د پالیسي څېړلو ملي مرکز رییس او مسوولینو په ګډون د دې مرکز د ناستو په تالار کې جوړه شوه.

پدې ناسته کې، چې د کابل پوهنتون او نورو پوهنتونونو کې د بزنس انکیوبیټر سنټر په اړه د افغانستان د اسلامي جمهوریت رییس د فرمان پر بنسټ جوړه شوې وه، د لوړو زده کړو وزارت علمي مرستیال پوهنمل عبدالتواب بالاکرزي، د کابل پوهنتون رییس پوهاند دکتور محمد عثمان بابري، د مخابراتو او معلوماتي ټکنالوژي وزارت، د اترا ادارې او د سوداګري او صنایع وزارت استازو خبرې وکړې او هر یو په نړۍ کې د معاصرو علومو او د افغانستان د اکاډمیکو بنسټونو لوړوالي اړتیا او د هیواد په پوهنتونونو په ځانګړې توګه په کابل پوهنتون کې د بزنس انکیوبیشن سنټر جوړېدلو باندې تاکید او د امادګیو خبر یې ورکړ.

پوهنمل عبدالتواب بالاکرزي پدې برنامه کې د څېړنې مرکز د جوړېډو او پیاوړتیا په څرنګوالي، په څېړنه، تالیف، مشوره ورکونه او ... باندې د پوهنتونونو د استادانو او علمي کادر مصروفولو باندې خبرې او اشاره یې وکړه، چې د دې ډول مرکزونو د جوړېډو او فعالېدو په پیل کې باید اړوند مختلف او ګټور عوامل و څېړل شي او وروسته له یو لوري د ټولنې د واقعیتونو او اړتیاوو باندې ولاړ د نظر توافق او له بل لوري یو جامع او ګټور مډل خلق او په تدریجي ډول د هغې پلي کېدو لپاره هڅه او کوښښ وشي. نوموړي په پای کې د لوړو زده کړو وزارت له لوري د امادګي خبر ورکړ او تعهد یې وکړ څو د کابل پوهنتون او په نورو پوهنتونونو کې د انکیوبیش سنټر مرکز د جوړېدو په برخه کې هېڅ ډول هڅې نه سپموي.

د کابل پوهنتون رییس پوهاند دکتور محمد عثمان بابري هم پدې برنامه کې خبرې وکړې او ویې ویل: کابل پوهنتون د هیواد په کچه له یو ځانګړي مقام څخه برخمن دی، د پرمختګ او د دې ډول پراختیا او د تشبثاتو کچه، سوداګري او د اقتصاد په برخه کې د دې ډول مرکزونو په جوړېدو په برخه کې هم باید مخکې وي، چې د دې مهم کار د تحقق لپاره جدي او بنسټیز کار ته اړتیا ده. نوموړي په کابل پوهنتون او نورو پوهنتونونو کې د دې مرکز جوړېدلو په هکله د ریاست جمهوري د حکم په صادرولو  خوښي وښوده او پدې برخه کې یې په فعالیتونو او موخییزه کارونو باندې تاکید وکړ او د دې ورکشاپ د جوړېدو موخه یې د وضعیت تحلیل او د شریکانو په همکاري د بزنس انکیوبیشن سنټر لپاره یې د مناسبې طرحې جوړېدل اړین وبلل.

وروسته د برنامې ګډون کوونکو هر يو خپل لیدلوری، وړاندیزونه، اندونه او موندنې یې د انکیوبیشن سنټر د اړتیا او جوړېدو په هکله بیان کړي او د دې مرکز جوړېدل او د یو هر اړخیز مډل د خلق په هکله علاقمندي او خپل ملاتړ اعلان کړ، چې په پای کې پرکړه وشوه تر څو یو مشورتي بورد، چې د اړوندو بنسټونو او ادارو استازي د کابل پوهنتون په څنګ کې جوړ شي او د دې کرمز په جوړېدو باندې عملي کار پیل شي.

تازه خبرونه

شنبه ۱۳۹۹/۱۰/۲۷ - ۱۶:۳۶
Background image

د کابل پوهنتون د فارغینو شورا جوړه او د پوهنتون د محصلینو اتحادیې مخکینیو مسوولینو څخه ستاینه وشوه

د کابل پوهنتون د محصلینو اتحادیې د روان کال د مرغومي میاشتې په ۲۵ نېټه په یو لړ مراسمو کې، چې د کابل پوهنتون د محصلینو چارو مرستیال، استادانو، محصلینو او د دې اتحادیې غړو په ګډون د د. . .

شنبه ۱۳۹۹/۱۰/۲۷ - ۹:۵۸
Background image

د کابل پوهنتون او تابش پوهنتون ترمنځ د همکاریو هوکړه لیک لاسلیک شو

د کابل پوهنتون او تابش پوهنتون ترمنځ د همکاریو هوکړه لیک د روان ۱۳۹۹ کال د مرغومي میاشتې په ۲۴ نېټه د دواړو پوهنتونونو ترمنځ د شته ظرفیت لوړولو او په هیواد کې د تحصیلي خدمتونوغوره والي. . .

چهارشنبه ۱۳۹۹/۱۰/۱۷ - ۱۶:۵۴
Background image

د کابل پوهنتون علمي شورا نوبتي ناسته جوړه شوه

د کابل پوهنتون علمي شورا نوبتي ناسته د دې بنسټ د علمي او اکاډمیکو چارو اړوندو مختلفو موضوعاتو باندې د روان کال د مرغومي میاشتې په ۱۶ نېټه د سې شنبې په ورځ د دې پوهنتون د علمي شورا د. . .

BACK TO NEWS