په فزیک پوهنځي کې د ((بریښنایي زده کړو)) او (( د څیړنې اصول او جوړښت)) تر عنوان لاندې دوه علمي کنفرانسونه وړاندې شول
د روان کال تلې میاشتې په ۲۴ مه نېټه د دوشنبې په ورځ د کابل پوهنتون فزیک پوهنځي دوه تنه استادانو هر یو: ښاغلي پوهندوی سیدسرور ابتکار او ښاغلي پوهنيار سجاد نظري د ((د بریښنایي زده کړو)) او (( د څیړنې اصول او جوړښت)) تر عنوان لاندې محصلینو ته دوه علمي کنفرانسونه وړاندې کړل.
په دې غونډه کې د کابل پوهنتون محصلانو چارو مرستیال ښاغلي استاد صلاح الدین ایوبي هم برخه اخیستې وه؛ چې نوموړي محصلینو ته د فزیک علم اغیزمنتیا، ګټه اخیستنې اهمیت په اړه خبرې وکړې او په څیړنیزو چارو د کابل پوهنتون رهبرۍ پر ملاتړ یې ټینګار وکړ.
د فزیک پوهنځي رئیس ښاغلي پوهنیار نورمحمد عزیزي د دې پوهنځي محصلینو ته د عملي او څیړنیزو چارو په برخه کې له طرحو او پلانونو ډاډ ورکړ.
