د ۱۴۰۵ تحصیلي کال لپاره د کابل پوهنتون د (فوق لیسانس) په پروګرامونو کې نوم لیکنه

د ماسټرۍ په کچه د شمولیت لپاره لاندې پروګرامونه چمتو دي:

ګڼه	پوهنځی	څانګه	د ماسټرۍ پروګرام
1	ټولنیز علوم	انسان پوهنه او لرغونپوهنه	د افغانستان پېژندنې ماسټرۍ
2	کمپیوټر ساینس	معلوماتي سیسټمونه	د معلوماتي سیسټمونو ماسټرۍ
3		معلوماتي ټکنالوژي	د معلوماتي ټکنالوژۍ ماسټرۍ
4	ښکلو هنرونو	اړونده پوهنځی	د لیدنی او ننداریز هنرونو ماسټرۍ
5	فزیک	هستوي او اتومي فزیک	د هستوي فزیک ماسټرۍ
6	وترنري علوم	عمومی  څانګه	د وترنري طب ماسټرۍ
7	اقتصاد	د منجمنت او تشبثاتو اداره	د سوداګرۍ ادارې ماسټرۍ
8		مالي او بانکي چارې	د مالي او بانکي چارو ماسټرۍ
9	بهرنۍ ژبې او ادبیات	عربي ژبه او ادبیات	د عربي ژبې او ادبیاتو ماسټرۍ
10	ملي ژبې او ادبیات	پښتو ژبه او ادبیات	د پښتو ژبې او ادبیاتو ماسټرۍ
11		دري ژبه او ادبیات	د دري ژبې او ادبیاتو ماسټرۍ
12	کرنه	اګرانومي	د اګرانومي ماسټرۍ
13		حیواني علوم	د حیواني علومو ماسټرۍ
14		بڼوالي	د بڼوالي ماسټرۍ
15		نبات ساتنه	د نباتاتو د ساتنې ماسټرۍ
16		کرنیز  اقتصاد او پراختیا	د کرنیز سوداګری مدیریت ماسټرۍ
17	انجنیرۍ	د انرژۍ انجنیرۍ	د نوي کېدونکی انرژۍ او د انرژۍ د موثریت ماسټرۍ
18		بريښنا او بریښنایی انجنیرۍ	د  بريښنا او بریښنایی انجنیرۍ ماسټرۍ
19	ژورنالیزم او ارتباطات	ژورنالیزم	د ټولیز اړیکو ماسټرۍ
20	ارواپوهنه او ښوونیز علوم	ښوونیز مدیریت	د ښوونیز مدیریت ماسټرۍ
21		ارواپوهنه	د عمومي ارواپوهنې ماسټرۍ
22		ښوونیز پلان او پالیسي	د ښوونیز پلان او پالیسۍ ماسټرۍ
23	شرعیات	اسلامي تعلیمات	د تفسیر او حدیث ماسټرۍ
24		فقه او قانون	د فقهې او قانون ماسټرۍ
25		اسلامي ثقافت	د اسلامي ثقافت ماسټرۍ
26		دعوت	د دعوت ماسټرۍ
27		عقیده او فلسفه	د عقیدې او فلسفې ماسټرۍ
28	ریاضي	عمومي ریاضي	د ریاضیاتو ماسټرۍ
29	حقوق او سیاسي علوم	نړیوالې اړیکې او سیاسي علوم	د نړیوالو اړیکو ماسټرۍ
30		جزا حقوق او جنایي علوم	د جزا حقوقو او جرم پېژندنې ماسټرۍ
31	عامه اداره او پالیسي	د عامه ادارې او پالیسۍ پوهنځی	د عامه ادارې او پالیسۍ ماسټرۍ
32	فارمسي	کلینیکي فارمسي	د کلینیکي فارمسي ماسټرۍ
33	کیمیا	صنعتي کیمیا	د صنعتي کیمیا ماسټرۍ
34	ځمکپوهنه	هایدرومترولوژی	د هایدرولوژي ماسټرۍ
35	بیولوژي	زولوژی	د ایکالوژي ماسټرۍ

 

 

د دکتورا په کچه د شمولیت لپاره لاندې پروګرامونه چمتو دي:

ګڼه	پوهنځی	څانګه	د ډکتورا پروګرام
1	ژبه او ادبیات	پښتو ژبه او ادبیات	د پښتو ژبې او ادبیاتو دکتورا
2	ریاضیات	ریاضیات	د تطبیقي ریاضیاتو دکتورا

 

 

 

 

تاسو کولای شئ د فوق لیسانس د نوم لیکنې فورم له لاندې لینک څخه ترلاسه کړی:

https://nexa.gov.af/fa/downloadable-files/3/file-items

 

د فورم ډکولو لارښوونه:

هیله ده د نوم لیکنې فورمه د ذکر شویو شرایطو سره سم، په کمپیوټر کې په پښتو یا دري ژبه ډکه کړئ.

د فورم د پړاوونو بشپړولو لارښوونه:

د فورم تر ډکولو  او د خپل یو انځور د نصبولو وروسته ، د بریښنایی پیژند پاڼه( الکترونیکی تذکره) رنګه کاپي، او د تیری دوری سند (دیپلوم او ټرانسکرېپټ) رنګه کاپي ورسره ضمیمه کړئ.

• هغه غوښتونکي چې د کابل پوهنتون له لیسانس پروګرامونو څخه فارغ شوي، د نوم لیکنې فورمه دې د اړوندې پوهنځي او د کابل پوهنتون د محصلانو چارو معاونیت له تائید وروسته، هغه پوهنځي ته وسپاري چې ورته نوم لیکنه کوي.
• هغه غوښتونکي چې د کابل ولایت د امارتي پوهنتونونو له لیسانس پروګرامونو څخه فارغ شوي، د نوم لیکنې فورمه دې د اړوند پوهنتون او د لوړو زده کړو وزارت د امارتي محصلانو چارو ریاست له تائید وروسته، هغه پوهنځي ته وسپاري چې ورته نوم لیکنه کوي.
• هغه غوښتونکي چې د کابل ولایت د خصوصي پوهنتونونو له لیسانس پروګرامونو څخه فارغ شوي، د نوم لیکنې فورمه دې د اړوند پوهنتون او د لوړو زده کړو وزارت د خصوصي محصلانو چارو ریاست له تائید وروسته، هغه پوهنځي ته وسپاري چې ورته نوم لیکنه کوي.
• هغه غوښتونکي چې د ولایتونو د امارتي پوهنتونونو له لیسانس پروګرامونو څخه فارغ شوي، د نوم لیکنې فورمه دې د لوړو زده کړو وزارت د امارتي محصلانو چارو ریاست له تائید وروسته، هغه پوهنځي ته وسپاري چې ورته نوم لیکنه کوي.
• هغه غوښتونکي چې د ولایتونو د خصوصي پوهنتونونو له لیسانس پروګرامونو څخه فارغ شوي، د نوم لیکنې فورمه دې د لوړو زده کړو وزارت د خصوصي محصلانو چارو ریاست له تائید وروسته، هغه پوهنځي ته وسپاري چې ورته نوم لیکنه کوي.
• هغه علماء او فاضلان چې د مدارسو اسناد یې د لوړو زده کړو وزارت له خوا ارزول شوي وي، د نوم لیکنې فورمه دې د دیني جامعاتو د عمومي ریاست له تائید وروسته، هغه پوهنځي ته وسپاري چې ورته نوم لیکنه کوي.
• هغه درانه غوښتونکي چې غواړي د امارتي ادارو د کارمندانو په سهمیه کې نوم لیکنه وکړي، د فورم د پړاوونو د بشپړولو پر مهال دې د خپلې ادارې د معرفي مکتوب ورسره ولري، ترڅو د لوړو زده کړو وزارت د امارتي محصلانو په ریاست کې له تائید وروسته په اړونده پوهنځي کې د کارمندانو په سهمیه کې ثبت شي؛ له هغه پرته به په ازاده سیالۍ کې شامل شي.
• هغه درانه غوښتونکي چې غواړي د علمي کادر د غړو په سهمیه کې نوم لیکنه وکړي، د فورم د پړاوونو د بشپړولو پر مهال دې د خپل پوهنتون د معرفي مکتوب ورسره ولري، ترڅو د لوړو زده کړو وزارت د امارتي محصلانو په ریاست کې له تائید وروسته په اړونده پوهنځي کې د کادر په سهمیه کې ثبت شي؛ له هغه پرته به په ازاده سیالۍ کې شامل شي.

د نوم لیکنې د پیل او پای نېټه:
د فوق لیسانس (ماسټرۍ او دکتورا) په پروګرامونو کې نوم لیکنه د ۱۴۰۴ کال د مرغومي له لومړۍ نېټې پیل او د ۱۴۰۴ کال د کب تر ۲۸مې پورې دوام لري.

د نوم لیکنې لګښت (فیس):

• د ماسټرۍ پروګرام په ازموینه کې د ګډون فیس: ۵۰۰ افغانۍ.
• د دکتورا پروګرام په ازموینه کې د ګډون فیس: ۱۰۰۰ افغانۍ.
• د ازموینې فیس باید په اړونده پوهنځي کې د فورم د سپارلو پر مهال تادیه شي.

د نوم لیکنې وخت:

• له شنبې تر چهارشنبې (د سهار له ۹ تر مازدیګر ۵ بجو).
• پنجشنبه (د سهار له ۹ تر ماسپښین ۳ بجو).

د نوم لیکنې ځای:
د کابل پوهنتون اړوندې پوهنځۍ