د کرنیزو څېړنو د ډیزاین ورکشاپ جوړ شو
د کرنیزو څېړنو د طرحې، اصولو، میتودونو او تطبیق په اړه ورکشاپ د ١٤٠٣ لمریز کال د وږي میاشتې په درېیمه نېټه د کابل پوهنتون د علمي څېړنو معاونیت د کنفرانسونو په تالار کې پیل او دوه ورځې به دوام وکړي. دغه ورکشاپ چې د کابل پوهنتون د زراعت پوهنځي د هارټیکلچر څانګې استاد پوهاند غلام رسول صمدي له لوري وړاندې کېږي؛ د کابل، پروان، کاپیسا، لوګر، غزني، بامیان، دایکندي او میدان وردګ ولایتونو د پوهنتونونو او لوړو زده کړو موسسو استادانو پکې برخه ګډونوال دي. د کابل پوهنتون د زراعت پوهنځي رئيس پوهنمل صفي الله جوهر په هېواد کې د کرنې د متخصصينو د اړتياوو د څرګندولو په ترڅ کې د هغوی د حل لپاره د عملي څېړنو غوښتنه وکړه.
د کابل پوهنتون د علمي څېړنو مرستیال پوهاند حامد سالاري څېړنه د استادانو د دندو یوه برخه وبلله او ویې ویل، د دغه ورکشاپ موخه د څېړنو د تطبیق په برخه کې د استادانو د ظرفیت او د کرنیزو څېړنو د کیفیت لوړول دي.
