د کابل پوهنتو ن د نجونو په لیلیه کې د قران کریم ختم او روژه ماتی جوړ شو
د قران کریم ختم او روژه ماتي مراسم د کابل پوهنتون د رییس او مالي او اداري مرستیال او ځینو همکارانو، د کابل پوهنتون د مرکزي لیلیې امرینو او کارمندانو او په لیلیه کې میشتو محصلینو نجونو په ګډون د دې لیلیې په چاپېریال کې جوړ شول.
پوهاند بابري پدې مراسمو کې د دې برنامې له جوړوونکو څخه د مننې ترڅنګ یې وویل: د اسلام دین د نړۍ د موجوده دینونو په منځ کې د ځانګړنو او مواصفاتو لرونکی او د پرتلې وړ ندی، چې د هغې له ډلې څخه د روژې مبارکه میاشت ده. د روژې مبارکه میاشت د ډول- ډول لومړیتوبونو له ډلې څخه: پدې میاشت کې د قراڼ کریم نزول، د نفس تهذیب او تذکیې ته د انسان رجوع او له ټولو مهمه ځان پېژندنه ده، چې د دې میاشتې فضایلو ته په پاملرنې سره انسان د هغې لویو مواصفاتو ته فلسفې ته متوجه کوي. د انساني تخلیق ترشا برکتونه شتون لري، د کوم له مخې، چې د هغې پر بنسټ موږ باید د نفس او عزت پاکوالي او وقار ته پاملرنه وکړو.
همدارنګه د نجونو لیلیې لويې مدیرې او دې لیلیه کې د میشتو نجونو استازو هم پدې برنامه کې خبرې وکړې او د روژې مبارکې میاشتې په اهمیت، ثواب او د هغې په اړه د نیکو غونډو په اړه د خبرو ترڅنګ یې پدې لیله کې د شته ستونزو په اړه هم خبرې وکړې، چې د کابل پوهنتون د رییس له لوري د پاملرنې وړ وګرځېدې او د هغې حل ته یې تعهد وښوده.
همدارنګه د دې برنامې په بله برخه کې هغو محصلینو او کارمندانو، چې څه موده وړاندې د شعر شپه یوه لویه برنامه کې، چې پدې لیلیه کې جوړه شوې وه، د ستاینلیکونو پر ورکړه یې د هغوی کړنو څخه ستاینه وکړه.
