د کابل پوهنتو د لړم دولسمې پېښې شهیدانو لویه فاتحه واخیستل شوه

Abdul Hai Alamyar
سه‌شنبه ۱۳۹۹/۸/۲۰ - ۱۷:۲۳
یبشسیبث

د کابل پوهنتون د لړم دولسمې نېټې پېښې شهیدانو فاتحې مراسم د ( علم او معرفت شهیدانو یاد) تر نوم لاندې د روان کال د لړم میاشتې په ۲۰ نېټه د دې پېښې د شهیدانو له کورنیو او وارثینو، د هیواد مخکیني ولسمشر حامد کرزي او د ملي روغې جوړې عالي شورا رییس ‌‌‌‌‌‌‌ډاکټر عبدالله عبدالله، د لوړو زده کړو وزارت نوماند دکتور عباس بصیر، د ارشاد، حج او اوقافو نوماند وزیر، د کابل پوهنتون ریاست رییس او مرستیالانو، د هیواد د مرکز ي درې پوهنتون رییسانو او استادانو، د روغتیا وزارت مرستیال او د کار او ټولنیزو، شهیدانو او معلولینو چارو وزارت استازي او د یو شمېر دولتي ادارو او د افغانستان د ملي شورا ځینو وکیلانو، د پوهنځیو رییسانو، استادانو، د محصلینو اتحادې رییس او غړو او د زرګونو محصلینو په ګ‌‌‌‌‌‌ډون په کابل پوهنتون واخیستل شوه.
دا مراسم، چې د فارمسي پوهنځي په مربوطاتو کې جوړ شوي وو، د ملي روغې جوړې عالي شورا رییس، د لوړو زده کړو وزارت نوماند، د پولیتخنیک او طبي پوهنتونونو رییسانو، د کابل پوهنتون د یو شمېر پوهنځیو رییسانو او استادانو او د شهیدانو د کورنیو استازو پدې برنامه کې خبرې وکړې او هر یو په خپل وار سره د دې جاهلانه او کوردیلانه پېښې د جدي غندنې ترڅنګ یې د شهیدانو روح ته دعا او د شهیدانو او ټپيانو او همدارنګه یې د کابل پوهنتون، اکا‌‌‌‌‌‌ډمیکې ټولنې او د هیواد د لوړو زده کړو کورنۍ سره خپله خواخوږي او غمشریکي وکړه او د الله ج له درباره يې د دې پېښې شهیدانو ته د جنت الفردوس او ټپيانو ته یې د روغتیا غوښتنه وکړه.
دې ویناوالو په خپل وار سره د علم او پوهې، د درس او معرفت د لارې تعقیب استواري او جدیت، په روښانه راتلونکې باورمندي، د امنیتي مسوولینو په مسوولیت منلو او په افغانستان کې په تلپاتې سولې باندې تاکید وکړ او د کابل پوهنتون له محصلینو او د هیواد د ټولو پوهنتونونو له محصلینو څخه وغوښتل تر څو  «بغیر له تسلیمدو» او «راتلونکې ته هیله بښونکې ولاړه لوړه روحیه»، «تاوتریخوالي، ناامني، تنګ نظري او د هیواد قصی القلب جاهلو دښمنانو ته نه» ویل او خپلو درسونو او تحصیلاتو ته تر پخوا په پوره هو‌ډ او ارادې سره حاضر او خپل د پوهې او بریالیتوب لارې ته دوام ورکړي.
د کابل پوهنتون رهبري هيئت د کابل پوهنتون د لړم دولسمې پېښې د شهیدانو روح ته دعا او کورنیو ته یې د تسلیت او ټپيانو لپاره د عاجلې شفا دعا کولو ترڅنګ یې له ټولو ګ‌‌‌‌‌‌ډونکوونکو، ګرانو محصلینو، چې په مراسمو کې یې ګ‌‌‌‌‌‌‌ډون کړی وو، ټول وګړي، بنسټونه، ملي او نړۍوال پوهنتونونه، چې له ‌‌‌‌‌‌ډول_‌‌‌‌‌‌ډول لارو څخه که په حضوري او یا د پيغامونو په استولو سره یې خپله غمشریکي او خواخوږي څرګنده کړې، مننه وکړه، د الله ج له درباره ورته اجر او خیر غواړي.
دا مراسم، چې د سهار په نهو بجو د قرانکریم په مبارکو ایاتونو پيل او د کابل پوهنتون د زرګونو محصلینو او نورو ګ‌‌‌‌‌‌ډونکوونکو تر فاتحې وروسته د غرمې په ۱۲:۳۰ هیواد ته د خیر او ښېګڼې د دعا په کولو سره پایته ورسېدل.

 

تازه خبرونه

سه‌شنبه ۱۴۰۰/۵/۱۹ - ۹:۲۳
Background image

د کابل پوهنتون رییس د افغانستان د پرمختیا لپاره د لوړو زده کړو د پیاوړتیا برنامې (AHEAD) رییس سره وکتل

د کابل پوهنتون رییس پوهاند دکتور محمد عثمان بابري د افغانستان د پرمختیا لپاره د لوړو زده د پیاوړتیا برنامې (AHEAD) رییس ښاغلي نجیب الله سیاوش سره د پوهنتون ریاست کې وکتل او د دواړو. . .

پنجشنبه ۱۴۰۰/۵/۱۴ - ۱۷:۱۳
Background image

د 1400 کال د کابل حوزي د کانکور ازموینې اخیستو بهیر په کابل پوهنتون کې پیل شو

د کابل حوزې د ۱۴۰۰ کال د کانکور ازموینې اخیستو بهیر د روان کال د زمري په ۱۴ نېټه د پنجشنبې په ورځ د لوړو زده کړو وزیر ډاکټر عباس بصیر، د کابل پوهنتون رییس پوهاند دکتور محمد عثمان بابري. . .

چهارشنبه ۱۴۰۰/۵/۱۳ - ۱۵:۱۱
Background image

د کابل پوهنتون د فارمسي پوهنځي او د افغانستان د خوړو او درملو ملي اداري ترمنځ د همکاریو هوکړه لیک لاسلیک شو

د کابل پوهنتون د فارمسي پوهنځي او د افغانستان د خوړو او درملو ملي ادارې ترمنځ د همکاریو هوکړه لیک د روان کال د زمري په ۱۳ نېټه د چهارشنبې په ورځ د کابل پوهنتون رییس پوهاند دکتور محمد. . .

BACK TO NEWS

All Media

د کمال خان بند د پرانیستې په پار د افغانستان د اوبو مطالعه او مدیریت تر عنوان لاندې علمي او څېړنیز کنفرانس

په کابل پوهنتون کې د نیالګیو کېنولو کمپاین پیل

د کابل پوهنتون د عامه ادارې او پالیسي او دریاضیاتو پوهنځيو د نوې ودانۍ پرانیسته