د کابل پوهنتون په صحن کې منظمې لارښودونکې لوحې نصب شوې
کابل پوهنتون چي په څه باندي ٥٠٠ جريبه ځمکه جوړ دی، څلوېښت لويي او کوچنۍ مختلفي ودانۍ لري؛د لمړي ځل لپاره پکي لارښود متحدي او منظمي لوحې نصب شوې.
یادې لوحې په لوړ کیفیت روښانه ډیزاین د پوهنتون د رهبري شورا له پرېکړې سره سم د هیواد د رسمي ژبو ترڅنګ په انګلیسي ژبه لیکل شوي اوس مهال په پوهنتون کي نصب شوې.
د کابل پوهنتون نشراتو آمریت، چې د دې لوحو د جوړولو دنده يې په غاړه درلوده، وایي؛ یاده کړنه د استادانو، محصلینو او مراجعینو کاري دفترونو ته د لارښوونې په برخه کې آسانتیا رامنځ ته کړې ده.
په همدې حال کې استادان، محصلین او مراجعین د پوهنتون د رهبرۍ دا اقدام ستايي او وايي چي په دې سره د دفترونو او شعبو ژر موندلو ترڅنګ د پوهنتون ښکلا هم زیاتوالی موندلی.
د کابل پوهنتون رهبري تل هڅه کوي ترڅو د دې علمي بنسټ د ټولو استادانو، محصلینو او مراجعینو لپاره د عالیقدر امیرالمومنین (حفظه الله) له فرمان سره سم آسانتیاوې او مکانات چمتو کړي.
