د کابل پوهنتون معلوماتي کټلاګ خپور شو

tariq_admin
دوشنبه ۱۴۰۱/۱۲/۱۵ - ۱۰:۹
654

کابل پوهنتون په وروستي ځل اته دېرش کاله وړاندې پر ۱۳۶۳هـ ل کټلاګ خپور کړی و، چې له هغه مهاله بیا تر اوسه بلها بدلونونه راغلي دي، همدې ټکي ته په پام د کابل پوهنتون رهبرۍ پرېکړه وکړه چې یو ځل بیا د کټلاګ په چاپونې سره د کابل پوهنتون موخې، وړتیاوې، لړلید او ان ستونزې له ټولنې په تېره اکاډمیکو کړیو سره شریکې کړي.

د کابل پوهنتون  نوی  کټلاګ په دواړو ملي (پښتو او دري) ژبو په ۲۴۸ مخونو کې د کابل پوهنتون له نوې یمې کالیزې سره  سم خپور شو. په کټلاګ کې د پوهنتون پر علمي او اداري معلوماتو سربېره پر تاریخي معلوماتو تمرکز شوی دی.

دا کټلاګ د کابل پوهنتون استادانو، کارکوونکیو او محصلینو لپاره د پوهنتون اړوند لرلید په غوراوي کې ګټور تمامېدای شي. هغه ځوانان چې په کابل پوهنتون کې د زده کړو لېوالتیا لري؛ د دې کټلاګ په مطالعې سره د کابل پوهنتون د بېلابېلو پوهنځیو، ډيپارټمنټونو، نصاب او مضمونونو په اړه اړین معلومات ترلاسولای شي، چې په دې سره به په اوږده مهال کې ټولنه د مسلکي کېدا پر لور غښتلي ګامونه واخلي.

د کابل پوهنتون رهبري غواړي چې د کټلاګ د لا بډاینې لپاره نور کار هم وکړي چې په راتلونکې کې ټولنې او علمي بنسټونو ته د کابل پوهنتون یوه کره او روښانه انځور وړاندې کړي. د یادونې وړ ده چې د کابل پوهنتون کټلاګ د کابل پوهنتون په چاپخونه کې چاپ شویدي.

تازه خبرونه

سه‌شنبه ۱۴۰۲/۱۲/۸ - ۱۲:۵۸
Background image

د بې سرحده ډاکټرانو دفتر یا (MSF) د ۱۰۰۰ په شاوخوا کې د فارمسي پوهنځۍ د زده کړیالانو لپاره د سپینو چپنو مرسته وکړه

 په همدې تړاو جوړو شویو مراسمو کې د کابل پوهنتون فارمسي پوهنځۍ رئیس پوهنوال آقا محمد ژکفر په خپلو خبرو کې د بې سرحده ډاکټرانو له مرسته مننه وکړه او دغه راز یې له دوی څخه وغوښتل چې د. . .

پنجشنبه ۱۴۰۲/۱۲/۳ - ۱۴:۲۶
Background image

په ځمکپوهنه پوهنځي کې د یخچالونو ساتنې او ارزونې په تړاو ۵ ورځنی ورکشاپ پای ته ورسېد

د روان کال کب میاشتې په ۳ نېټه د کابل پوهنتون په ځمکپوهنه پوهنځي کې د اوبو سرچینو، یخچالونو ساتنې، څارنې، ارزونې او تحلیل په اړه جوړ شوی ۵ ورځنی ورکشاپ پای ته ورسېد.

نوموړي ورکشاپ ۵. . .

چهارشنبه ۱۴۰۲/۱۲/۲ - ۱۶:۲۴
Background image

د محصلینو لپاره ۱۵ ورځینی فکري او روزنیز سمینار پای ته ورسېد

په دې سمینار کې د مرکزي حوزې له پوهنتونو څخه له (۳۰۰) تنو څخه زیاتو محصلینو ګډون کړی وو او همدارنګه نوموتو علماوو لخوا د ۱۵ ورځو په لړ کې  هغوی ته مهم دیني، عقیدتي، فکري، او اصلاحي. . .

BACK TO NEWS

گالری رسانه

کابل پوهنتون په ۱۴۰۲هـ.ل کال کې د شاوخوا ۹۰ میلیونه افغانیو په لګښت لسګونه رغنیزې پروژې تطبیق کړي دي. ویډیويي راپور:

په کابل پوهنتون کي پر نویو سرکونو د قير اچونې چاري پیل شوې

د کابل پوهنتون د رغنيزو چارو په جریان کي نن د لوړو زده‌کړو وزارت او کابل پوهنتون ترمنځ د نښلونکي سړک د پراخوالي چاري پیل شوې.

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

له نرم او ښایسته باران وروسته د کابل پوهنتون دښایسته انګړ د عکسونو البوم