د کابل پوهنتون مرکزي لیلیې محصلینو ته د کمپیوټر، انګلیسي او عربي ژبې زده کړې کورس دایر شو

tariq_admin
یکشنبه ۱۴۰۲/۳/۱۴ - ۹:۳۶
391

د کابل پوهنتون مرکزي لیلیې محصلینو ته په مختلفو وختونو ( د سهار او ماسپیښین) لخوا د کمپیوټر، انګلیسي او عربي ژبې زده کړې لنډمهاله کورسونه دایر شول. ددې کورسونو موخه د معلوماتي تکنالوژۍ او نړیوالو ژبو کې د محصلینو علمي او عملي مهارتونو کچه لوړېدل بلل شوي دي.

د یادو کوروسونو په پیل غونډه کې د کابل پوهنتون محصلانو چارو مرستیال ښاغلي صلاح الدین ایوبي د پوهنتون دلیلیو آمریت ددې نوښت څخه مننه او ستاینه وکړه او یادې برنامې یې د محصلینو د ظرفیت لوړلو لپاره اغیزمن او ګټور ګام یاد کړ.

ښاغلي ایوبي له محصلینو و غوښتل؛ ترڅو له شته فرصتونو پوره ګټه واخلي او د لیلیې چاپیریال پر اکاډمیک او د ورورۍ پر چاپیریال بدل کړي. نوموړي همدارنګه ټینګار وکړ؛ چې دفتر یې تل د محصلین پرمخ خلاص وي او هغوی کولای شي خپل وړاندیزونه او غوښتنې ورسره شریکې کړي.

په دې غونډه کې د کابل پوهنتون مرکزي لیلیې عمومي مدیر ښاغلي وحیدالله سادات د یاد کورس پرمخ بیولو په جزیاتو خبرې وکړې او هغه یې د محصلینو لپاره اړین وباله.

د کابل پوهنتون نشراتو آمر ښاغلي قاضي رحیم الله ندیم د لیسانس څلورکلنه دوره یې طلایي فرصت یاد کړ او له محصلینو یې غوښتنه وکړه؛ که دوی وغواړي د علم او پوهې په برخه کې پرمختګ وکړي باید د معلوماتي تکنالوژۍ او نړیوالو ژبو په زده کړه کې وروستۍ هڅې وکړي.

ښاغلي پوهنیار سید علي موسوي د کمپوټر رشتې استاد وویل: نوموړي کورسونه د اړتیا په بنا پیل شوی او دمحصلینو شتون پکې اړین دی. نوموړي زیاته کړه؛ چې د تحصیل په دوره کې چې کله په لیلیه کې اوسیده یاد فرصتونه دوی ته آماده نه وو؛ خو له نیکمرغه د اوسنیو مسؤلینو له برکته دا ډول فرصتونه چمتو دي او هیله لرم چې محصلین له هغه پوره ګټه واخلي.

همدارنګه د انګلیسي ژبې استاد ښاغلي سید میرآغا مهجور او د عربي ژبې استاد ښاغلي قیام الدین پخپل نوبت خبرې وکړې. د یادې غونډې په پای کې د کابل پوهنتون لیلیو آمر ښاغلي طاهر عادل له استادانو څخه چې په افتخاري توګه د محصلینو لپاره د تدریس چارې پرمخ وړي مننه وکړه او یاده کړنه یې د دوی د ملي او اسلامي احساس بیلګه وبلله.

تازه خبرونه

دوشنبه ۱۴۰۲/۷/۳ - ۱۵:۲۸
Background image

په کابل پوهنتون کې د فارمسۍ نړیواله ورځ و نمانځل شوه

د پوهنتون مرسیتالانو، د فارمسستانو سراسري ټولنې استازو، د فارمسي پوهنځي استادانو او محصلینو په کابل پوهنتون کې د سپتامبر ۲۵ نېټې د فارمسي له نړیوالې ورځې څخه د غونډې په ترڅ کې نمانځنه. . .

یکشنبه ۱۴۰۲/۷/۲ - ۱۶:۴۲
Background image

خبرتیا!

د کابل پوهنتون کافه تریا د پوهنتون په داخل کې تازه فعالیت پیل کړی دی، په دې کافه تریا کې د خوراک او څښاک توکو ترڅنګ  د وچې ډوډۍ خبازي او همدارنګه د استادانو او محصلینو درسي موادو کاپۍ. . .

BACK TO NEWS

گالری رسانه

کابل پوهنتون د نارینه محصلینو په لیلیه کې د اوبو فلتر کولو دوه پایې ماشینونه ګټې اخیستنې ته وسپارل شول

د کابل پوهنتون په انګړ کې په ۱۲ جریبه ځمکه کې د محصلینو پارک د جوړیدو کار پیل شو

د کابل پوهنتون د ښایسته انګړ د ۱۴۰۲هـ ل کال پسرلنی انځوریز آلبوم

د کابل پوهنتون استادانو ته د لوړو زده کړو محترم وزیر شیخ ندا محمد ندیم صاحب د وینا یوه برخه:

د کابل پوهنتون د ۱۴۰۱ هـ ل کال د فارغ التحصیل محصلینو د فراغت غونډې مراسم تر سره شول

د کابل پوهنتون د ۱۴۰۱ هـ ل کال د فراغت غونډې د عکسونو البوم

له نرم او ښایسته باران وروسته د کابل پوهنتون دښایسته انګړ د عکسونو البوم