د کابل پوهنتون علمي شورا نوبتي ناسته جوړه شوه
د کابل پوهنتون علمي شورا نوبتي ناسته د دې بنسټ د علمي او اکاډمیکو چارو اړوندو مختلفو موضوعاتو باندې د روان کال د مرغومي میاشتې په ۱۶ نېټه د سې شنبې په ورځ د دې پوهنتون د علمي شورا د ناستو په تالار کې د دې شورا د غړو په ګډون جوړه شوه.
دا ناسته، چې د سې شنبې په ورځ د سهار په ۹:۳۰ پیل او د کابل پوهنتون رییس پوهاند دکتور محمد عثمان بابري او د دې شورا د یو شمېر غړو له لوري په اجنډا خبرې او «د کابل پوهنتون د بدلون پلان د پلي کېدو بهیر څرنګوالي، د کارموندنې په اړه د محصلینو د زده کړې خدمتونو باندې د تمرکز په اړه د محصلینو د خدمتونو د برخې احیاء کولو څرنګوالی، په کابل پوهنتون کې د کیفي او ظرفیت لوړولو برنامو پلي کولو بهیر» د کابل پوهنتون د استادانو د علمي ترفیعاتو ۱۰ دوسیې، د علمي رتبو د تثبیت دوه دوسیې، د کابل پوهنتون د استادانو د ګمارنې اوه دوسیې، د محصلینو چارومعاونیت اړوند دوه برنامې، تر لسانس پورته برنامو امریت اړوند دوه برنامې او په یو شمېر متفرقه موضوعاتو خبرې او بحثونه وشول او د دې پوهنتون د قوانینو او لایحو په رڼا کې په هر یو لازم تصمیم ونیول شو او د پورته تصمیمونو د پلي کېدو په موخه اړوندو برخو او مسوولینو ته لازمې لارښوونې وشوې.
جلسه د کابل پوهنتون د علمي شورا د غړو له لوري د هر اړخیزو ګټورو خبرو اترو وروسته هیواد ته د خیر او ښېګڼې د دعا په کولو سره پایته وروسېده.
