د کابل پوهنتون علمي شورا غونډه ترسره شوه
نن سه شنبه، د ۱٤۰۳ لمریز کال د جوزا ۲۲مه، د کابل پوهنتون د رئیس دوکتور اسامه عزیز په مشرۍ د یاد پوهنتون علمي شورا غونډه ترسره شوه.
په دې غونډه کې د کابل پوهنتون او د ولاياتو د يو شمېر پوهنتونونو د استادانو د علمي ترفيعاتو د دوسيو، د نويو استادانو د ګومارنې، د دعوت او ارشاد برنامو د لا ښه تنظيم، د زراعت پوهنځي په تشکيل کې د اګريبزنس ډيپارټمنټ د ايجاد، د روانپوهنې پوهنځي د روانپوهنيزې مشاورې د ډيپارټمنټ د نوم د تائيد او د فوق لیسانس برنامو اړوند موضوعاتو باندې بحث او پرېکړې وشوې.
دغه راز د تېرې علمي شورا د پرېکړو د تطبيق او څارنې راپور د شوری اعضاوو ته وړاندې شو.
