د کابل پوهنتون زده کړه ییز مرکز او ایډیټوریم پرانیستل شو

ناپیژنده (not verified)
یکشنبه ۱۴۰۱/۵/۹ - ۱۶:۱۱
pic6

د کابل پوهنتون د زده کړه ییز مرکز او ایډیټوریم ودانۍ چې د چین له خوا جوړه شوې وه، د پوهنتون د استادانو او محصلینو په ګډون د لوړو زده کړو سرپرست وزیر، د کابل پوهنتون رئیس او د چین د سفیر له خوا پرانیستل شوه.

په پیل کې د کابل پوهنتون رئیس ښاغلي دکتور اسامه عزیز د پرانیستې په دې مراسمو کې د مېلمنو له ګډونه پر مننې سربېره وویل چین د مخه هم له کابل پوهنتون سره همکاري درلوده، چې تر دې دمخه یې څو نورې ودانۍ هم جوړې کړي دي، دا نوې ودانۍ په پرمختللیو  معیارونو سمبال او د هېواد په کچه بې جوړې ده،اوغوښتنه یې وکړه چې دوست هېواد چین له کابل پوهنتون سره  خپلې مرستې او همکارۍ  روانې وساتي، ښاغلي  رئیس زیاته کړه د هېواد  د دې لوی علمي بنسټ پر مادي ابادۍ سربېره په معنوي پرمختګ کې هم له خدای ج څخه  د هڅو توفیق غواړو.

د لوړو زده کړو سرپرست  وزیر ښاغلي الحاج عبدالباقي حقاني د افغانستان او چین د دوستۍ او له افغانستان سره د نوموړي هېواد د مرستو په اړه خبرې وکړې، ښاغلي حقاني وویل زموږ هېواد له ستونزمنو حالاتو تېرېږي، یو شمېر هېوادونه غواړي چې زموږ د لوړو زده کړو سیسټم زیانمن کړي، هیله ده چې دوست هېواد چین راسره مرسته وکړي چې موږ پر پښو ودرېږو.

په کابل کې د چین سفیر ښاغلي وانګ یو هم په خپلو خبرو کې له افغانستان سره د چین د مرستو په  اړه معلومات ورکړل، ښاغلي وانګ وویل دا او دېته ورته نورې ودانۍ؛ چې په خورا معیاري بڼه جوړې شوي دي، د افغانستان له لوړو زده کړو سره د چین د مرستو بېلګې دي، نوموړي ډاډ  ورکړ چې له لوړو زده کړو او په تېره کابل پوهنتون سره دا ډول مرستې په په راتلونکې کې هم روانې وي.

د یادونې وړ ده چې د زده کړې دا مرکز څلوېښت ټولګي، دوه متوسط تالارونه  او یو د ۱۵۰۰ تنو په  ظرفیت  سره لوی تالار لري چې د MCC19 چینايي شرکت له خوا په پرمختللیو ودانیزو معیارونو سمبال پنځو کالو کې جوړ شوی دی چې د تهویې، صحت او تخنیکي منظم سیسټمونه لري.

تازه خبرونه

چهارشنبه ۱۴۰۱/۹/۹ - ۱۰:۲۳
Background image

د کرنې پوهنځي د څېړنیز پوسترونو نندارتون پرانستل شو

دغه نندارتون د روان کال لېندۍ میاشتې په ۸ مه نېټه چې د کابل پوهنتون رئیس، د لوړو زده کړو وزارت مرستیالانو، د کرنې او مالدارۍ وزارت مرستیال، د خصوصي سکتور مسئولینو، پوهنتون استادانو او. . .

یکشنبه ۱۴۰۱/۹/۶ - ۱۴:۴۱
Background image

د تیکا مؤسسې رئیس د کیمیا پوهنځي څخه لیدنه وکړه

په کابل کې د تیکا مؤسسې رئیس ښاغلي ذهتوچال د روان کال د لیندۍ میاشتې په ۶ مه نېټه د یک شنبې ورځ د کیمیا پوهنځي څخه لیدنه وکړه.

پدغه لیدنه کې د کابل پوهنتون د علمي چارو مرستیال ښاغلي. . .

شنبه ۱۴۰۱/۹/۵ - ۱۵:۶
Background image

د Pinacle Teaching Solutions مؤسسې عمومي رئیس د کابل پوهنتون له رئیس سره لیدنه وکړه

ټیم دویس (Tim Davis) د Pinacle Teaching Solutions مؤسسې عمومي رئیس او ورسره مل پلاوي د روان کال شنبې ورځ د لیندۍ میاشتې په ۵ مه نېټه د کابل پوهنتون څخه د لیدنې په ترڅ کې د پوهنتون له. . .

BACK TO NEWS

گالری رسانه

له نرم او ښایسته باران وروسته د کابل پوهنتون دښایسته انګړ د عکسونو البوم

دکابل پوهنتون د ښکلو هنرونو پوهنځۍ د پسرلنی سمسټر د نندارتون په مراسمو کې دلوړو زده کړو وزارت دعلمي معین ښاغلی لطف الله خیرخواه صاحب وینا

د کمال خان بند د پرانیستې په پار د افغانستان د اوبو مطالعه او مدیریت تر عنوان لاندې علمي او څېړنیز کنفرانس

په کابل پوهنتون کې د نیالګیو کېنولو کمپاین پیل

د کابل پوهنتون د عامه ادارې او پالیسي او دریاضیاتو پوهنځيو د نوې ودانۍ پرانیسته